मुंबईचे माजी पोलीस आयुक्त परमबीर सिंग यांना फरार घोषित करण्याची प्रक्रिया सुरू, आयबीची घेतली जाणार मदत


वृत्तसंस्था

मुंबई : माजी पोलीस आयुक्त परमबीर सिंग यांना फरार घोषित करण्याचा प्रस्ताव महाराष्ट्राच्या गृह विभागाने ठेवला आहे. गृहविभागाने इंटेलिजन्स ब्युरोला कळवले आहे की, आयपीएस अधिकारी सापडत नाहीत आणि त्यांचा शोध घेण्यासाठी केंद्रीय एजन्सीचीही मदत घेतली जात आहे. Process of declaring former mumbai police commissioner parambir singh as a fugitive started help is being taken from i

महाराष्ट्राच्या गृह विभागाच्या अधिकाऱ्यांच्या म्हणण्यानुसार, माजी पोलीस आयुक्त परमबीर सिंग यांना फरार घोषित करण्याची कायदेशीर प्रक्रिया सुरू झाली आहे. विभागाने कायदेशीर औपचारिकता पाळून प्रस्ताव निर्दोष बनवण्यासाठी कायदेशीर अभिप्राय मागवला आहे. गेल्या वर्षी मे महिन्यापासून बेपत्ता झाल्यानंतर राज्याने या अधिकाऱ्याला निलंबित करण्याचा प्रस्ताव यापूर्वीच ठेवला होता. त्यानंतर गृहविभागाने अँटिलिया स्फोटकप्रकरणी त्यांच्याविरुद्ध विभागीय चौकशीची कार्यवाही सुरू केली आहे.

कायदेशीर प्रक्रिया सुरू

गृह विभागाच्या एका वरिष्ठ अधिकाऱ्याने सांगितले की, ‘आम्ही केंद्रीय एजन्सीला कळवले आहे की मुंबईचे माजी पोलीस आयुक्त परमबीर सिंह हे गायब आहेत. यादरम्यान 3 महिन्यांहून अधिक काळ लोटला तरी त्यांचा ठावठिकाणा लागलेला नाही. आयबीकडे मदतीची विनंती करताना आम्ही त्यांना फरार घोषित करण्याची प्रक्रिया सुरू केल्याचे त्यांनी सांगितले. यासाठी वकिलांचा कायदेशीर सल्लाही घेतला जात आहे.



प्रकृतीचे कारण सांगून अनेक महिन्यांपासून बेपत्ता

विशेष म्हणजे मे महिन्यापासून परमबीर सिंग हे प्रकृतीच्या कारणास्तव रजेवर गेल्यापासून बेपत्ता होते. अशा परिस्थितीत गृहविभागाने सिंह यांना त्यांच्या चंदिगड येथील निवासस्थानी अनेक पत्रे पाठवून त्यांचा ठावठिकाणा विचारला, मात्र कोणताही प्रतिसाद मिळाला नाही. त्याच वेळी गेल्या महिन्यात गृह राज्यमंत्री दिलीप वळसे पाटील यांनी सांगितले होते की, आयपीएस अधिकाऱ्यावर कारवाई करण्यासाठी ते अखिल भारतीय सेवा (आचार) नियमांच्या तरतुदींचा विचार करत आहेत.

चांदीवाल आयोगासमोर गैरहजर

मुंबईच्या ठाणे पोलिसांनी गेल्या जुलै महिन्यात परमबीर सिंग यांच्याविरोधात लुकआऊट नोटीस जारी केली होती. माजी गृहमंत्री अनिल देशमुख यांच्यावरील भ्रष्टाचाराच्या आरोपांच्या चौकशीसाठी राज्य सरकारने स्थापन केलेल्या चांदीवाल आयोगासमोर ते वारंवार हजर राहण्यात अपयशी ठरले आहेत.

Process of declaring former mumbai police commissioner parambir singh as a fugitive started help is being taken from i

महत्त्वाच्या बातम्या

LEAVE A COMMENT

To be published, comments must be reviewed by the administrator.*



    देशातील सर्वात स्वस्त इलेक्ट्रिक कार झाली लाँच : टाटा टियागो EV अवघ्या 8.49 लाखांपासून; एका चार्जवर 315 किमी वेदांत – फॉक्सकॉन सेमी कंडक्टर प्रकल्पाचे सर्वेसर्वा अनिल अग्रवाल यांचे महत्वाचे मुद्दे वनडे फॉरमॅटमधून ऑस्ट्रेलियन क्रिकेटर ॲरॉन फिंचची निवृत्ती