Patra Chawl Land Case : पत्रा चाळप्रकरणी संजय राऊत यांना ईडीचे समन्स, आज पुन्हा होणार चौकशी

प्रतिनिधी

मुंबई : सक्तवसुली संचालनालयाने शिवसेना नेते आणि खासदार संजय राऊत यांना मनी लाँड्रिंग प्रकरणी चौकशीसाठी समन्स बजावले आहे. शिवसेनेचे संजय राऊत यांना सक्तवसुली संचालनालयाने आज दुसऱ्यांदा मनी लाँड्रिंगच्या चौकशी संदर्भात समन्स बजावले आहे. पत्रा चाळ प्रकरणी संजय राऊत यांना आज सकाळी 11 वाजता चौकशीसाठी बोलावण्यात आले आहे. याआधीही संजय राऊत यांना ईडीने समन्स बजावून त्यांचा जबाब नोंदवला होता.Patra Chawl Land Case ED summons Sanjay Raut in Patra Chawl case, inquiry will be held again today

त्यांची 1 जुलै रोजी सुमारे 10 तास शेवटची चौकशी करण्यात आली होती. हे प्रकरण मुंबईतील पत्रा चाळ नावाच्या गृहसंकुलाच्या पुनर्विकासातील कथित घोटाळ्याशी संबंधित आहे. एप्रिलमध्ये अंमलबजावणी संचालनालयाने या प्रकरणासंदर्भात संजय राऊत यांच्या कौटुंबिक मालमत्ता जप्त केल्या होत्या.



हा कट असल्याचा संजय राऊतांचा आरोप

संजय राऊत यांनी याला षडयंत्र म्हटले असले तरी तपासात सहकार्य करणार असल्याचे स्पष्ट केले. मागच्या चौकशीनंतर ते म्हणाले होते की, “एजन्सीचे काम तपास करणे आहे. आमचे काम त्यांच्या तपासात सहकार्य करणे आहे. त्यांनी मला बोलावले होते म्हणून मी आलो आणि मी ईडीला सहकार्य करत राहीन.” संजय राऊत म्हणाले होते, “ईडी, सीबीआय किंवा आयकर विभागाचे महत्त्व कमी होत चालले आहे. याआधी जेव्हा ही एजन्सी कोणतीही कारवाई करत असे तेव्हा असे वाटायचे की काहीतरी गंभीर घडत आहे, परंतु गेल्या काही वर्षांपासून असे दिसते आहे की एजन्सीकडून कारवाई केली जाते. एक राजकीय पक्ष आपला राग काढत आहे.”

भाजपवर सूडाचे राजकारण केल्याचा आरोप

एकनाथ शिंदे आणि इतर आमदारांनी नुकतीच केलेली बंडखोरी केंद्रीय तपास यंत्रणांच्या भीतीपोटी केली होती, असेही शिवसेना खासदार म्हणाले होते. एका प्रसंगी त्यांनी एकनाथ शिंदे यांच्या नेतृत्वाखालील नव्या सरकारला ‘ईडी सरकार’ असेही संबोधले. पीएमसी बँकेच्या घोटाळ्याप्रकरणी संजय राऊत यांची पत्नी वर्षा राऊत यांचीही चौकशी करण्यात आली होती. या प्रकरणाबाबत शिवसेनेने भाजपचे हे सूडाचे राजकारण असल्याचे म्हटले होते.

काय आहे पत्रा चाळ घोटाळा?

पत्रा चाळ गोरेगाव, मुंबई येथे आहे. महाराष्ट्र सरकारने चाळींमध्ये राहणाऱ्या ६७२ भाडेकरूंना सदनिका देण्याची सरकारी योजना केली तेव्हा हा घोटाळा सुरू झाला. ज्यासाठी एचडीआयएलच्या गुरु आशिष कन्स्ट्रक्शन या कंपनीला महाराष्ट्र गृहनिर्माण व विकास प्राधिकरणाने भाडेकरूंसाठी सदनिका बांधण्याचे कंत्राट दिले होते. कंपनी चाळी भाडेकरूंना ६७२ सदनिका देऊन ३००० सदनिका महाराष्ट्र गृहनिर्माण व क्षेत्रविकास प्राधिकरणाला (म्हाडा) देणार होती.

गुरु आशिष कन्स्ट्रक्शनने चाळीत राहणाऱ्या लोकांसाठी फ्लॅट बांधले नाहीत किंवा महाराष्ट्र गृहनिर्माण व क्षेत्र विकास प्राधिकरणालाही सदनिका दिल्या नाहीत, असा आरोप आहे. हा कथित जमीन घोटाळा (पत्र चाळ घोटाळा) 1,034 कोटी रुपयांचा असल्याचे सांगण्यात आले आहे. गुरु आशिष कन्स्ट्रक्शन प्रायव्हेट लिमिटेडचे ​​माजी संचालक आणि संजय राऊत यांचे निकटवर्तीय असलेल्या प्रवीण राऊतला या प्रकरणी ईडीने अटक केली होती.

Patra Chawl Land Case ED summons Sanjay Raut in Patra Chawl case, inquiry will be held again today

महत्वाच्या बातम्या