कोकण चित्रपट महोत्सव – २०२२ रूपरेषा व पुरस्कार जाहीर

By, Vishal Joshi - April 29, 2022 12:30:16

0

मोलाचे योगदानासाठी अशोक सराफ,रेणुका शहाणे,मोहन जोशी,पद्मिनी कोल्हापुरेंचा विशेष पारितोषिकाने सन्मान Konkan Film Festival – 2022 Outline and award announced

विशेष प्रतिनिधी

मुंबई : कोकणातील निसर्ग आणि तिथल्या पारंपारिक कला या महाराष्ट्राची कलासंस्कृती उंचावणाऱ्या आहेत. जागतिक पातळीवर कोकणाचा हा सांस्कृतिक आणि नैसर्गिक वारसा जपला जावा तसेच चित्रपटाच्या माध्यमातून पर्यटनाला चालना मिळावी या उद्देशाने ‘सिंधुरत्न कलावंत मंच’ या संस्थेचे वतीने ९ मे ते १४ मे या कालावधीत पहिल्या कोकण चित्रपट महोत्सवाचे आयोजन होणार आहे. कोकणातील सिंधुदुर्ग आणि रत्नागिरी या दोन जिल्ह्यात हा महोत्सव रंगणार आहे. या महोत्सवाची रूपरेषा व नामांकन प्राप्त चित्रपट व विजेत्यांची नावांची घोषणा पत्रकार परिषदेत करण्यात आली. Konkan Film Festival – 2022 Outline and award announced

या महोत्सवाच्या निमित्ताने कोकणातील निसर्गसौंदर्य व सांस्कृतिक वैभव सर्वदूर पोहचविण्यासोबत इतरत्र काय सुरु आहे याची जाणीव स्थानिकांना व्हावी, स्थानिक कलाकारांना वाव मिळावा यासाठी हा पहिला कोकण चित्रपट महोत्सव आयोजित केल्याचे ‘सिंधुरत्न कलावंत मंच’ संस्थेचे अध्यक्ष अभिनेते विजय पाटकर यांनी यावेळी सांगितले.

या महोत्सवात चित्रपटसृष्टीसाठी मोलाचे योगदान देणाऱ्या अशोक सराफ,रेणुका शहाणे,मोहन जोशी,पद्मिनी कोल्हापुरे दिग्ग्ज कलावंतांचा विशेष पारितोषिकाने सन्मान केला जाणार आहे. या निमित्ताने या दिग्ग्जांचे आशीर्वादरूपी पाठबळ या महोत्सवाला लाभातील व आमच्यासाठी ते प्रेरणादायी असतील असं सांगत दिग्दर्शक विजय राणे यांनी हा महोत्सव कलासृष्टीला वेगळ वळण देणारा ठरेल असा विश्वास व्यक्त केला.

झी’ टॉकीज ने नाविन्यपूर्ण संकल्पना व उपक्रमांचे नेहमीच स्वागत केले आहे. पहिल्यांदाच होणारा हा कोकण चित्रपट महोत्सव कलासृष्टीला व पर्यटनाला चालना देणारा असेल व यातून अनेक चांगल्या गोष्टी साध्य होऊ शकतात हे लक्षात घेऊन झी’ टॉकीजने या महोत्सवासाठी पुढाकार घेतल्याचे झी च्या मराठी मुव्ही क्लस्टरचे चीफ चॅनेल ऑफिसर बवेश जानवलेकर यांनी सांगितले.

या महोत्सवाची रूपरेषा पुढील प्रमाणे….

कोकण चित्रपट महोत्सव – २०२२

या चित्रपट महोत्सवाचा शुभारंभ दिनांक ९ मे रोजी सकाळी ११ वाजता वीर सावरकर नाट्यगृह रत्नागिरी येथे होईल. महाराष्ट्राचे उच्च व तंत्र शिक्षण या विभागाचे विद्यमान कॅबिनेट मंत्री उदय सामंत या महोत्सवाला उपस्थित राहणार आहेत. रत्नागिरी जिल्ह्यातील रत्नागिरी, चिपळूण आणि दापोली येथे सलग ४ दिवस रोज तीन चित्रपट प्रेक्षकांना विनामूल्य दाखविले जातील या चार दिवसांत अंदाजे २५ ते ३० हजार प्रेक्षक हजर रहातील.

सिंधुदुर्ग जिल्ह्यात कोकण चित्रपट महोत्सवाचा शुभारंभ दिनांक ९ मे रोजी सायंकाळी ५ वाजता होईल. सिंधुदुर्ग जिल्ह्यातील कणकवली देवगड, वैभववाडी, कुडाळ, मालवण, सावंतवाडी, वेंगुर्ला, दोडामार्ग या ८ तालुक्यात ४ दिवस दुसऱ्या फेरीसाठी निवड करण्यात आलेले १४ चित्रपट प्रेक्षकांना विनामूल्य दाखविले जातील. दिनांक १२ मे रोजी वेंगुर्ले येथे परिसंवाद आयोजित करण्यात आले आहेत. चित्रपट महोत्सवाचा पारितोषिक वितरण समारंभ सिंधुदुर्गात मामा वरेरकर नाट्यगृहात १४ मे रोजी सायंकाळी ५ वाजता होईल.
महोत्सवासाठी निवडण्यात आलेले चित्रपट आणि घोषित पुरस्कार पुढील प्रमाणे