एकट्या मुंबईत बलात्काराचे 7 सात महिन्यात 550 गुन्हे; पण शिवसेनेने भाजपला करून दिली कठुआ आणि हाथरसची आठवण In Mumbai alone, 550 rape cases in 7 months

एकट्या मुंबईत बलात्काराचे ७ सात महिन्यात ५५० गुन्हे; पण शिवसेनेने भाजपला करून दिली कठुआ आणि हाथरसची आठवण

विशेष प्रतिनिधी

मुंबई : साकीनाका बलात्कार प्रकरणावरून पीडितेला न्याय देण्याऐवजी राजकीय घमासान जोरदार सुरू झाले असून शिवसेनेने आपल्या सरकारचे अपयश झाकण्यासाठी भाजपवर दुगाण्या झोडल्या आहेत. In Mumbai alone, 550 rape cases in 7 months

सामनाच्या अग्रलेखातून भाजपला कठुआ आणि हाथरस या घटनांची आठवण करून दिली आहे. एकट्या मुंबईत गेल्या ७ महिन्यात 550 बलात्कारांची पोलिसांमध्ये नोंद झाली आहे. यापैकी 445 गुन्हेगारांना पोलिसांनी अटक केल्याची फुशारकी देखील शिवसेनेने मारली आहे. साकीनाका बलात्कारातील आरोपींना तर पोलिसांनी दहा मिनिटात गजाआड केले, मात्र कठुआ आणि हाथरस मध्ये बलात्कार करणाऱ्यांच्या समर्थनासाठी जमाव बाहेर पडले, असा आरोप शिवसेनेने भाजपवर करून घेतला आहे. कायदा आणि सुव्यवस्था राखण्यात उत्तर प्रदेश सरकारला अपयश आल्याचा आरोप शिवसेनेने केला आहे.

बलात्कारांनी महाराष्ट्र सुन्न पण पोलीसांचा हद्दीचा वाद, अल्पवयीन मुलीवर अत्याचाराचा गुन्हा नोंदवून घेण्यास दोन पोलीस ठाण्यांचा नकार

प्रत्यक्ष मुंबई पोलिसांची आकडेवारी मात्र काही वेगळेच सांगते आहे. बलात्काराच्या 550 घटना, विनयभंगाच्या 750 वर घटना या गेल्या सहा-आठ महिन्यात एकट्या मुंबईत आहेत. या पोलिसांकडे झालेल्या नोंदी आहेत. नोंदणी झाली नसलेली प्रकरणे यापेक्षा कितीतरी अधिक असली पाहिजेत. राज्यात ठाकरे – पवार सरकारच्या काळात कायदा आणि सुव्यवस्थेचे असेल धिंडवडे उडाले असताना शिवसेनेने मात्र सामनाच्या अग्रलेखातून भाजपला ठोकण्याचा प्रयत्न केला आहे.