महत्त्वाची बातमी : ३१ डिसेंबरपर्यंत दाखल करता येणार आयटीआर

By, Vishal Joshi - December 6, 2021 12:00:42

0

जास्तीत जास्त करदात्यांनी इनकम टॅक्स रिटन दाखल करावा यासाठी आता आयकर विभागाकडून देखील पुढाकार घेण्यात आला आहे. Important News: ITR can be filed till 31st December

विशेष प्रतिनिधी

मुंबई : तुम्ही इनकम टॅक्स रिटन (ITR) भरण्याबाबत एक महत्त्वाची बातमी आहे.३१ डिसेंबरपर्यंत तुम्हाला इनकम टॅक्स भरता येऊ शकतो.तसेच अर्थ मंत्रालयाच्या वतीने इनकम टॅक्स भरण्यासाठी शेवटच्या तारखेची वाट न पहाता आजच आपला टॅक्स भरा, आणि गर्दी टाळा असे आवाहन करण्यात आले आहे.दरम्यान जास्तीत जास्त करदात्यांनी इनकम टॅक्स रिटन दाखल करावा यासाठी आता आयकर विभागाकडून देखील पुढाकार घेण्यात आला आहे.

इनकम टॅक्स पोर्टलच्या अपयशावरून आरएसएसचे मुखपत्र पांचजन्यमधून इन्फोसिसवर बोचरी टीका, उंची दुकान, फिका पकवान म्हणून हिणवित देशविरोधी असल्याचा आरोप

अर्थ मंत्रालयाने दिलेल्या माहितीनुसार दररोज चार लाखांपेक्षा अधिक दाते हे आपला इनकम टॅक्स भरत आहेत. तसेच २०२०-२१ च्या आर्थिक वर्षासाठी आतापर्यंत तीन कोटींपेक्षा अधिक करदात्यांनी आपले इनकम टॅक्स रिटन दाखल केला आहे.करदात्यांच्या मोबाईलवर एसएमस पाठवणे, टीव्ही, वृत्तपत्रे अशा माध्यमातून जाहिरात प्रसिद्ध करणे, त्यातून कर भरण्याचे आवाहन करणे यासारख्या गोष्टींचा समावेश करून आयकर विभागाकडून करदात्यांमध्ये जनजागृती करण्यात येत आहे.