२०२३ मध्ये नवीन प्रगती मैदानात जी-२० शिखर परिषद होणार – पीयूष गोयल

By, Ayesha Tamboli - October 14, 2021 06:00:16

0

केंद्रीय मंत्री पियुष गोयल यांनी बुधवारी सांगितले की, २०२३ मध्ये जी -२० शिखर परिषद नवीन प्रगती मैदानावर आयोजित केली जाईल.G20 Summit to be held in २०२३ at New Pragati Maidan: Piyush Goyal

विशेष प्रतिनिधी

नवी दिल्ली : आंतरराष्ट्रीय व्यापार मेळाव्याचे केंद्र बनलेल्या प्रगती मैदानाला नवे रूप दिले जात आहे. ते लवकरच तयार होणे अपेक्षित आहे. केंद्रीय मंत्री पियुष गोयल यांनी बुधवारी सांगितले की, २०२३ मध्ये जी -२० शिखर परिषद नवीन प्रगती मैदानावर आयोजित केली जाईल.

प्रगती मैदानावरील प्रदर्शन हॉल क्रमांक २ ते ५ च्या उद्घाटन प्रसंगी गोयल मेळाव्याला संबोधित करत होते. ते म्हणाले की, पंतप्रधान नरेंद्र मोदी यांच्या नेतृत्वाखाली प्रथमच जी -२० शिखर परिषद २०२३ मध्ये येथे आयोजित केली जाईल.

इंडिया इंटरनॅशनल ट्रेड फेअर (IITF) यावर्षी १४-२७नोव्हेंबर दरम्यान नवीन प्रदर्शन हॉलमध्ये आयोजित केले जाईल. इंडिया ट्रेड प्रमोशन ऑर्गनायझेशन (IIPO) दरवर्षी IITF आयोजित करते.

सणासुदीच्या दिवसांमध्ये सामान्य ग्राहकांना दिलासा; कच्च्या खाद्यतेलांचे सीमा शुल्क केंद्राकडून रद्द

पीएम मोदींनी आदल्या दिवशी मल्टी मोडल कनेक्टिव्हिटी ‘पीएम गतिशक्ती’ साठी राष्ट्रीय मास्टर प्लॅन लाँच केला. त्यासाठी ते प्रगती मैदान गाठले होते. जिथे त्यांनी चार नवीन सभागृहांचे उद्घाटन केले. संपूर्ण प्रकल्प ऑगस्ट २०२२ पर्यंत पूर्ण होण्याची शक्यता आहे.

जेव्हा पंतप्रधानांचे हे ड्रीम प्रोजेक्ट पूर्ण होईल, तेव्हा इंडिया गेटच्या धर्तीवर प्रगती मैदान देखील दिल्लीच्या विशेष आकर्षणाचे केंद्र असेल. प्रगती मैदानात एक नाही तर तीन मुलांची उद्याने असतील.तलाव देखील असेल. हे इंडिया गेटवर आहेत तशाच प्रकारे विकसित केले जातील.

याशिवाय, व्यापार मेळा आणि इतर व्यावसायिक कार्यक्रमांसाठी येथे सात कन्व्हेन्शन हॉल देखील बांधले जात आहेत. येथे बांधण्यात येणारे कन्व्हेन्शन सेंटर सध्याच्या विज्ञान भवनापेक्षा पाचपट मोठे असेल. सध्या १२३ एकरात पसरलेल्या प्रगती मैदानात तीन एकरांवर पंचतारांकित हॉटेल बांधण्याची योजना आहे.