क्रूझ ड्रग्ज प्रकरण : आर्यन खानला दर शुक्रवारी NCB कार्यालयात जाण्यापासून मिळाली सूट, गर्दीच्या कारणाचा दिला होता हवाला। Cruise drugs case Aryan Khan exempted from attending NCB office every Friday

क्रूझ ड्रग्ज प्रकरण : आर्यन खानला दर शुक्रवारी NCB कार्यालयात जाण्यापासून मिळाली सूट, गर्दीच्या कारणाचा दिला होता हवाला

मुंबई ड्रग्ज प्रकरणात शाहरुख खानचा मुलगा आर्यन खानला मोठा दिलासा मिळाला आहे. आता आर्यन खानला दर शुक्रवारी एनसीबी कार्यालयात हजर राहण्यापासून सूट देण्यात आली आहे. या संदर्भात आर्यन खानने न्यायालयात याचिका दाखल केली होती. याचिकेच्या सुनावणीदरम्यान न्यायालयाने हे आदेश दिले. Cruise drugs case Aryan Khan exempted from attending NCB office every Friday

वृत्तसंस्था

मुंबई : मुंबई ड्रग्ज प्रकरणात शाहरुख खानचा मुलगा आर्यन खानला मोठा दिलासा मिळाला आहे. आता आर्यन खानला दर शुक्रवारी एनसीबी कार्यालयात हजर राहण्यापासून सूट देण्यात आली आहे. या संदर्भात आर्यन खानने न्यायालयात याचिका दाखल केली होती. याचिकेच्या सुनावणीदरम्यान न्यायालयाने हे आदेश दिले.

[Cruise Ship Drug Case]#BombayHighCourt to shortly hear #AryanKhan's petition seeking modification of his bail condition to appear before the #NarcoticsControlBureau every Friday. pic.twitter.com/TnlK8a1dy5

— Live Law (@LiveLawIndia) December 15, 2021

कोर्टाने आर्यनला सूट दिली

क्रूझ ड्रग्जप्रकरणी अभिनेता शाहरुख खानचा मुलगा आर्यन खान याला मुंबई उच्च न्यायालयाने दिलासा दिला आहे. आर्यन खानची 28 ऑक्टोबर रोजी जामिनावर सुटका करण्यात आली होती. त्यानंतर आर्यन खानला जामिनाची अट म्हणून दर शुक्रवारी एनसीबी कार्यालयात हजर राहणे आवश्यक होते. आता मुंबई उच्च न्यायालयाने आर्यन खानला दर शुक्रवारी एनसीबी कार्यालयात हजर राहण्यापासून सूट दिली आहे. आर्यन खानने याबाबत न्यायालयात याचिका दाखल केली होती. याचिकेच्या सुनावणीदरम्यान न्यायालयाने हे आदेश दिले.

सूट मिळाली तरीही हे नियम पाळावे लागणार

आर्यन खानला दर शुक्रवारी एनसीबी कार्यालयात हजर राहण्याच्या नियमातून सूट देण्यात आली आहे. तथापि, न्यायालयाने निर्णय दिला आहे की, या प्रकरणाचा तपास करणारी एसआयटी जेव्हाही आर्यन खानला समन्स बजावेल तेव्हा त्याला चौकशीसाठी हजर राहावे लागेल. तसेच आर्यन खानला मुंबई सोडायची असेल तर त्याची माहिती तपास अधिकाऱ्यांना देणे बंधनकारक करण्यात आले आहे.

यापूर्वी आर्यन खानने आपल्या याचिकेत तक्रार केली होती की, एनसीबी कार्यालयात जाताना मीडिया आणि लोकांची मोठी गर्दी असते. अशा स्थितीत आर्यन खानला पोलिसांना कार्यालयाच्या आत आणि बाहेर घेऊन जाताना त्रास होतो. आर्यन खानने याचिकेत म्हटले होते की, तो या समस्येने त्रस्त आहे.