कोरोना महामारीच्या काळात सोनू सूद गोरगरिबांचा तारणहार म्हणून उदयास आला होता. त्याने कोरोनाशी संबंधित औषधे सोशल मीडियाच्या माध्यमातून अनेकांना उपलब्ध करून दिली आहेत. आता मुंबई उच्च न्यायालयाने अभिनेता सोनू सूदवर कारवाई करण्याचे आदेश महाराष्ट्र सरकारला दिले आहेत. bombay high court direct to maharashtra to scrutinize roles of actor sonu sood and congress mla zeeshan siddique in procuring anti covid drugs
विशेष प्रतिनिधी
मुंबई : कोरोना महामारीच्या काळात सोनू सूद गोरगरिबांचा तारणहार म्हणून उदयास आला होता. त्याने कोरोनाशी संबंधित औषधे सोशल मीडियाच्या माध्यमातून अनेकांना उपलब्ध करून दिली आहेत. आता मुंबई उच्च न्यायालयाने अभिनेता सोनू सूदवर कारवाई करण्याचे आदेश महाराष्ट्र सरकारला दिले आहेत.
कोरोनाची औषधे त्यांच्यापर्यंत कशी पोहोचली हे शोधण्यासाठी सोनू सूद आणि आमदार झिशान सिद्दिकी यांची सखोल चौकशी करा, असे आदेश देण्यात आले आहेत. मुंबई उच्च न्यायालयाने आपल्या आदेशात असेही म्हटले आहे की, सेलिब्रिटींनी स्वत:ला मसिहा असल्याचा दावा केला होता, परंतु त्यांनी ही औषधे बनावट किंवा ती अवैध पद्धतीने त्यांच्यापर्यंत आल्याबाबत कोणताही खुलासा केलेला नाही.
कॉंग्रेसचे स्थानिक आमदार झिशान सिद्दिकी आणि अभिनेता सोनू सूद यांची सखोल चौकशी करण्यास मुंबई हायकोर्टाने बुधवारी महाराष्ट्र सरकारला सांगितले. खरे तर सोनू सूद आणि झिशान सिद्दिकी यांनी सोशल मीडियावर अपीलद्वारे लोकांना कोरोनाची औषधे उपलब्ध करून देण्याचा प्रयत्न केला आहे. मुंबई उच्च न्यायालयाने आपल्या आदेशात असेही म्हटले आहे की, कलाकारांचे वर्तन मसीहाप्रमाणे होते, पण ते औषधे बनावट आहेत किंवा बेकायदेशीरपणे मिळत आहेत का, हे तपासू शकले नाहीत.
मुंबई उच्च न्यायालयाच्या एस.पी. देशमुख आणि जी.एस. कुलकर्णी यांच्या खंडपीठाने हा आदेश महाराष्ट्र सरकारला दिला. सरकारी वकील आशुतोष कुंभकोणी यांनी हायकोर्टाला सांगितले की, माझगाव महानगर कोर्टाने बीडीआर फाउंडेशन नावाच्या ट्रस्टविरोधात आमदार झिशान सिद्दिकींना रेमडेसिव्हिर औषध पुरविल्याबद्दल तक्रार दाखल केली आहे. ट्रस्टला असे करण्याचे लायसन्सही नव्हते. वकिलांनी असेही म्हटले की, सोनू सूदला या औषधी वेगवेगळ्या फार्मसीजकडून मिळाल्या आहेत, याची चौकशी अद्याप सुरू आहे.
उच्च न्यायालयाने राज्य सरकार आणि केंद्र सरकारला चौकशीचे आदेश दिले आहेत की, कलाकार आणि राजकीय पुढाऱ्यांना कोरोना महामारीशी संबंधित औषधे कशा प्रकारे उपलब्ध करण्यात आली. याच काळात देशभरात कमतरता होती, आणि राज्यांना ही औषधे केंद्रामार्फत उपलब्ध होत होती. यामुळे आता अभिनेता सोनू सूदच्या अडचणींत वाढ होणार हे स्पष्ट आहे.
bombay high court direct to maharashtra to scrutinize roles of actor sonu sood and congress mla zeeshan siddique in procuring anti covid drugs
महत्त्वाच्या बातम्या
To be published, comments must be reviewed by the administrator.*
Our website uses cookies to improve your experience. Learn more