संजय उपाध्याय निवडीसाठी भाजपकडे फक्त 20 आमदारांची कमी, ती भरून काढू!!; चंद्रकांतदादांचा विश्वास

By, Sachin Deshmukh - September 22, 2021 06:25:23

0

वृत्तसंस्था

मुंबई : काँग्रेसचे राज्यसभेचे खासदार राजीव सातव यांच्या निधनानंतर होत असलेल्या पोटनिवडणुकीत काँग्रेसच्या उमेदवार रजनी पाटील यांच्या समोर भाजपने संजय उपाध्याय यांना उतरविले आहे. ते निवडून येण्यासाठी भाजपकडे फक्त 20 आमदारांची कमतरता आहे. ती आम्ही भरून काढू, असा आत्मविश्वास प्रदेशाध्यक्ष चंद्रकांतदादा पाटील यांनी व्यक्त केला आहे.BJP has less than 20 MLAs for Sanjay Upadhyay election, let’s fill it !!; Chandrakantdada’s faith

संजय उपाध्याय हे महान राम भक्तांचे सुपुत्र आहेत. त्यांच्या वडिलांनी राम जन्मभूमीचे भूमिपूजन केले आहे. राम मंदिरासाठी देणगी देणारे ते पहिले गृहस्थ आहेत. त्यांच्या सुपुत्राला महाराष्ट्रातून निवडून आणण्यात भाजपला काही अडचण वाटत नाही. आमच्याकडे फक्त 20 आमदारांची कमतरता आहे, ती आम्ही भरून काढू!!, असा आत्मविश्वास चंद्रकांतदादा पाटील यांनी व्यक्त केला आहे.

राज्यसभेच्या पोटनिवडणुकीसाठी भाजपचे निलंबित १२ आमदार चक्क करणार विधान भवनाबाहेरून मतदान

काँग्रेसला भीती दगाफटक्याची

काँग्रेसचे नेते रजनी पाटील यांना बिनविरोध निवडून आणण्यासाठी जोरदार प्रयत्न करत आहेत. परंतु संजय उपाध्याय यांनी आज अर्ज दाखल केल्यामुळे त्यांच्या मनसुब्यांना तितकाच जोरदार धक्का बसला आहे. त्यातही चंद्रकांतदादा पाटील यांनी फक्त 20 आमदारांची कमतरता आहे,

We are only short of 20 MLAs. Our candidate will definitely get elected for the Rajya Sabha seat from Maharashtra: State BJP chief Chandrakant Patil

— ANI (@ANI) September 22, 2021

असा आकडाच सांगितल्याने महाविकास आघाडीत चलबिचल सुरू झाली आहे. काँग्रेसचे नेते धास्तावले आहेत. कारण ही जागा काँग्रेसच्या राजीव सातव यांचे होती. त्यामुळे महाविकास आघाडीतील शिवसेना आणि राष्ट्रवादी या दोन घटक पक्षांना काँग्रेसचाच पारड्यात ही जागा टाकावी लागली.

परंतु तरी देखील राष्ट्रवादी आणि शिवसेनेचे आमदार एकगठ्ठा रजनी पाटील यांनाच मतदान करतीलच याची काँग्रेस जनांना शाश्‍वती नाही. त्यातही आधी रजनी पाटलांचे नाव राज्यपाल नियुक्त 12 आमदारांच्या यादीत घातल्याने आणि नंतर काढल्याने राष्ट्रवादीचे अध्यक्ष शरद पवार यांची नाराजी काँग्रेसला सहन करावी लागण्याची शक्यता आहे.

Sanjay Upadhyay is the son of Rambhakt, his father has performed 'bhumi pujan' for Ram Mandir and was the first person to donate funds for Ram Temple. It will also be helpful for the upcoming UP elections: State BJP chief Chandrakant Patil

— ANI (@ANI) September 22, 2021

अशा स्थितीत 20 आमदारांचा आकडा गाठणे भाजपला फार अवघड जावे अशी स्थिती नसण्याची शक्यता आहे. त्यामुळेच भाजपने राजकीय चतुराई दाखवून संजय उपाध्याय यांना राज्यसभेच्या पोटनिवडणुकीत उतरविल्याचे दिसून येत आहे.