हिंदुस्थानी भाऊ याला जामीन मंजूर

By, Sachin Deshmukh - February 17, 2022 06:30:04

0

विशेष प्रतिनिधी

मुंबई : ऑनलाइन परीक्षेसाठी विद्यार्थ्यांना भडकावल्याप्रकरणी मुंबईतील सत्र न्यायालयाने विकास फाटक उर्फ हिंदुस्थानी भाऊ याला जामीन मंजूर केला आहे. त्याला १ फेब्रुवारी रोजी अटक करण्यात आली. हिंदुस्थानी भाऊवर विद्यार्थ्यांना भडकावल्याचा आरोप होता. त्यानंतर विद्यार्थ्यांनी आंदोलन करत काही वाहनांची तोडफोड केली.Bail granted to Hindustani Bhau

वास्तविक, विकास पाठक उर्फ हिंदुस्थानी भाऊने इंस्टाग्रामवर एक व्हिडिओ अपलोड केला आहे. या व्हिडिओच्या माध्यमातून विद्यार्थ्यांना आंदोलनासाठी चिथावणी देण्यात आली. त्यानंतर सोमवारी मुंबईतील धारावीमध्ये अनेक विद्यार्थ्यांनी निदर्शने केली. कोविडच्या संकटात दहावी आणि बारावीच्या परीक्षा ऑनलाइन कराव्यात, अशी या विद्यार्थ्यांची मागणी आहे.

‘हिंदुस्थानी भाऊ’ला धारावी पोलिसांकडून अटक, विद्यार्थ्यांना भडकवल्याचा आरोप

हिंदुस्थानी भाऊ त्यांच्या व्हायरल व्हिडिओंमुळे चर्चेचा विषय ठरत आहेत. ‘बिग बॉस’मध्ये आल्यानंतर त्याने अधिकच चर्चेत स्थान मिळवले होते. टाईम्स ऑफ इंडिया या इंग्रजी वेबसाईटने दिलेल्या वृत्तानुसार, हिंदुस्थानी भाऊ मुंबईतील एका स्थानिक वृत्तपत्रात क्राइम रिपोर्टर आहे. गुन्हेगारी पत्रकारितेसाठी २०११ मध्ये त्यांना सर्वोत्कृष्ट चीफ क्राइम रिपोर्टरचा किताबही मिळाला आहे.