आर्यन खानचा जामीन पुन्हा फेटाळला, मुंबईच्या विशेष एनडीपीएस कोर्टाचा आर्यन, अरबाज आणि मुनमुनला जामीन देण्यास नकार, आता हायकोर्टाचा पर्याय

क्रूझ ड्रग्ज पार्टी प्रकरणात आर्यन खानचा जामीन अर्ज पुन्हा एकदा फेटाळण्यात आला आहे. मुंबईच्या विशेष एनडीपीएस न्यायालयाने आर्यनसह अरबाज मर्चंट आणि मुनमुन धामिचा यांना जामीन देण्यास नकार दिला आहे. 3 ऑक्टोबरला अटक करण्यात आलेला आर्यन 8 ऑक्टोबरपासून मुंबईच्या आर्थर रोड जेलमध्ये आहे. आर्यनला तुरुंगात कैदी क्रमांक 956 चा बॅच मिळाला आहे. आर्यनची 14 दिवसांची न्यायालयीन कोठडीही 21 ऑक्टोबरला संपत आहे. Aryan khan bail rejected again Special NDPS court of Mumbai refuses to grant bail to Aryan, Arbaaz and Munmun


विशेष प्रतिनिधी

मुंबई : क्रूझ ड्रग्ज पार्टी प्रकरणात आर्यन खानचा जामीन अर्ज पुन्हा एकदा फेटाळण्यात आला आहे. मुंबईच्या विशेष एनडीपीएस न्यायालयाने आर्यनसह अरबाज मर्चंट आणि मुनमुन धामिचा यांना जामीन देण्यास नकार दिला आहे. 3 ऑक्टोबरला अटक करण्यात आलेला आर्यन 8 ऑक्टोबरपासून मुंबईच्या आर्थर रोड जेलमध्ये आहे. आर्यनला तुरुंगात कैदी क्रमांक 956 चा बॅच मिळाला आहे. आर्यनची 14 दिवसांची न्यायालयीन कोठडीही 21 ऑक्टोबरला संपत आहे.

आर्यनच्या बाबतीत आज केवळ निकालाचा ऑपरेटिव्ह भाग पुढे ठेवण्यात आला. तपशीलवार ऑर्डर येणे बाकी आहे. तथापि, 14 ऑक्टोबर रोजी या प्रकरणाच्या सुनावणीदरम्यान निकाल राखून ठेवताना, न्यायमूर्ती पाटील म्हणाले होते की, ते 20 ऑक्टोबर रोजी व्यग्र आहेत, पण ते आर्यनच्या जामिनावर सुनावणी घेण्याचा प्रयत्न करतील. एनडीपीएस न्यायालयाच्या निर्णयानंतर आर्यनसह अरबाज आणि मुनमुनचे वकील जामिनासाठी उच्च न्यायालयात अपील करू शकतात.



एएसजी अनिल सिंह हे प्रकरण एनसीबीच्या वतीने पाहत आहेत आणि त्यांना वकील श्रीराम शिरसाट न्यायालयात मदत करत आहेत. मुंबई उच्च न्यायालयात रिया चक्रवर्ती ड्रग्ज प्रकरणात शिरसाट एएसजीलाही मदत करत होते. एसपीपी अद्वैत सेठना हेही एनसीबीचे प्रतिनिधित्व करत आहेत.

वरिष्ठ वकील सतीश मानेशिंदे आणि अमित देसाई हे आरोपींसाठी विशेषतः आर्यन खानसाठी हजर आहेत. अशा प्रकरणांमध्ये दोघेही मुंबईचे ज्येष्ठ वकील नावाजलेले आहेत. सुशांत ड्रग्ज प्रकरणात रिया चक्रवर्तीला मानेशिंदे यांनी आणि देसाईंनी हिट अँड रन प्रकरणात सलमानला दिलासा मिळवून दिला होता. यामुळे 14 ऑक्टोबरच्या सुनावणीदरम्यान दोन्ही बाजूंच्या वकिलांकडून जबरदस्त युक्तिवाद झाले.

जामिनाविरोधात एनसीबीचा युक्तिवाद

आर्यनच्या जामिनाला विरोध करताना अनिल सिंग म्हणाले होते की, रेकॉर्ड आणि पुरावे दर्शवतात की आर्यन गेल्या काही वर्षांपासून नियमितपणे ड्रग्ज घेत होता. एएसजीने सांगितले की आर्यन खूप प्रभावी आहे आणि जर जामिनावर सुटला तर पुराव्यांशी छेडछाड किंवा कायद्यापासून पळून जाण्याची शक्यता आहे. सिंह पुढे म्हणाले की, आर्यन आणि त्याचा मित्र अरबाज यांना ठोस पुराव्यांच्या आधारे अटक करण्यात आली आहे.

एनसीबीने म्हटले होते की, ड्रग्ज रॅकेटच्या परदेशी दुव्यांची चौकशी करावी लागेल. हे एक मोठे षड्यंत्र आहे ज्याची चौकशी होणे आवश्यक आहे. आर्यन अरबाजकडून ड्रग्ज घेत असे, त्यामुळे त्याला जामीन देऊ नये. एनसीबीने न्यायालयात एक व्हॉट्सअॅप चॅटदेखील ठेवला आणि दावा केला की, या चॅटच्या तपासात उघड झाले आहे की, ड्रग्ज प्रकरणात आर्यन खानची महत्त्वाची भूमिका आहे.

Aryan khan bail rejected again Special NDPS court of Mumbai refuses to grant bail to Aryan, Arbaaz and Munmun

महत्त्वाच्या बातम्या