मराठवाड्यात अवकाळी पावसाचा कहर, 10 जणांचा मृत्यू, 14 हजारांहून अधिक शेतकरी बाधित|Unseasonal rain wreaks havoc in Marathwada, 10 dead, more than 14 thousand farmers affected

मराठवाड्यात अवकाळी पावसाचा कहर, 10 जणांचा मृत्यू, 14 हजारांहून अधिक शेतकरी बाधित

प्रतिनिधी

छत्रपती संभाजीनगर : या आठवड्यात मराठवाड्यातील 8 जिल्ह्यांमध्ये अवकाळी पाऊस आणि वादळामुळे 10 जणांचा मृत्यू झाला आणि 14,000 हून अधिक शेतकरी बाधित झाले. अधिकाऱ्यांनी शुक्रवारी ही माहिती दिली. त्यांनी सांगितले की, 25 एप्रिलपासून मराठवाड्यात पाऊस आणि वादळामुळे झालेल्या नुकसानीचा प्राथमिक अहवाल महसूल विभागाने शुक्रवारी प्रसिद्ध केला.Unseasonal rain wreaks havoc in Marathwada, 10 dead, more than 14 thousand farmers affected

लातूरमध्ये 44.3 मिमी, नांदेडमध्ये 28 मिमी, हिंगोलीमध्ये 14.3 मिमी, उस्मानाबादमध्ये 13.9 मिमी, बीडमध्ये 12.7 मिमी, जालनामध्ये 7.8 मिमी, परभणीमध्ये 4.9 मिमी आणि छत्रपती संभाजीनगरमध्ये 1.8 मिमी पाऊस झाला आहे.

बुलढाण्याच्या भेंडवळ घटमांडणीचे भाकीत : राजा कायम राहणार, पण रोगराई पसरण्याची धोका, वाचा पावसाचा अंदाज

मराठवाड्यात जालना, औरंगाबाद, परभणी, हिंगोली, नांदेड, लातूर, उस्मानाबाद आणि बीड जिल्ह्यांचा समावेश होतो. या अहवालानुसार, अवकाळी आणि संततधार पावसाने बाधित झालेल्या 153 गावांपैकी 101 जालना, 38 हिंगोली आणि 14 उस्मानाबादमध्ये आहेत. अहवालाचा हवाला देत अधिकाऱ्याने सांगितले की, नांदेडमध्ये अवकाळी पावसाच्या घटनांमध्ये तीन जणांचा मृत्यू झाला.

या अहवालानुसार नादेडमध्ये सहा, लातूरमध्ये दोन आणि बीड आणि उस्मानाबादमध्ये प्रत्येकी एकाचा अवकाळी पावसाशी संबंधित घटनांमुळे मृत्यू झाला आहे. एका अधिकाऱ्याने सांगितले की, “गेल्या 72 तासांत अवकाळी पाऊस आणि वादळामुळे एकूण 1,178 कोंबड्या आणि 147 पाळीव जनावरांचा मृत्यू झाला आहे. त्यामुळे 8058.66 हेक्टर जमिनीवरील पिकांचे नुकसान झाले असून, 14,441 शेतकरी बाधित झाले आहेत.