पूर आला, पण भक्तीचा ओघ नाही थांबला; भर पावसातही गोदावरी मातेची महाआरती संपन्न

By, Pravin Wankhade - July 6, 2025 08:50:18

0

विशेष प्रतिनिधी

नाशिक : रामतीर्थ गोदावरी सेवा समितीच्या वतीने गोदावरी मातेची नित्य महाआरती पावसाळ्यातही अखंड सुरू ठेवण्याची परंपरा यंदाही पाळली गेली. काल नाशिकमध्ये सततच्या मुसळधार पावसामुळे गोदावरी नदीला मोठा पूर आला असतानाही ११ समर्पित गोदासेवकांनी पुराच्या पाण्यात उभे राहून महाआरती संपन्न केली.The Maha Aarti of Goddess Godavari was held even in heavy rain

महाराष्ट्रात कृषी क्षेत्राच्या सर्वांगीण विकासासाठी पुढील 5 वर्षांत अतिरिक्त 25,000 कोटी रुपयांची गुंतवणूक; मुख्यमंत्र्यांची ग्वाही

या महाआरतीत ६ युवती गोदासेविका आणि ५ युवक गोदासेवक सहभागी झाले होते. पुराच्या पाण्यात पाय रोवून, मुसळधार पावसात निथळत, कोणताही खंड न पडू देता गोदामातेची पूजा व आरती करण्यात आली. खणा-नारळाने देवीची ओटी भरून महापूजा पूर्णत्वास नेण्यात आली.

विशेष म्हणजे, या प्रतिकूल हवामानातही अनेक भक्तांनी छत्र्या, रेनकोट अशा साधनांमध्ये उभे राहत महाआरतीला उपस्थिती लावली. गोदावरीचा विस्तृत पूर दोन्ही काठांवरून भरभरून वाहत असतानाही ‘सेवा अखंडच’ या समितीच्या ब्रीदवाक्यानुसार सेवा अबाधित ठेवली गेली.

या सेवेमुळे स्थानिक भाविकांमध्येही समाधान व्यक्त होत असून पूरकाळातही अखंड नित्यपूजेची परंपरा पुढील पिढीपर्यंत चालू राहावी, हा रामतीर्थ गोदावरी सेवा समितीचा संकल्प आहे.