Sanjay Raut : खासदार संजय राऊत यांना झटका; १५ दिवसांचा कारावास, २५ हजारांचा दंड

By, Pravin Pawar - September 26, 2024 04:00:15

0

जाणून घ्या, कोणत्या प्रकरणात ही शिक्षा सुनावली गेली आहे?

विशेष प्रतिनिधी

मुंबई : शिवसेना खासदार (उद्धव गट) संजय राऊत ( Sanjay Raut ) बदनामीच्या प्रकरणात दोषी आढळले आहेत. न्यायालयाने त्यांना 15 दिवसांची कोठडी सुनावली आहे. यासोबतच 25 हजार रुपयांचा दंडही ठोठावण्यात आला आहे. भाजप नेते किरीट सोमय्या यांच्या पत्नी मेधा सोमय्या यांनी राऊत यांच्याविरोधात गुन्हा दाखल केला होता. मेधा यांनी राऊत यांच्याविरोधात 100 कोटी रुपयांचा मानहानीचा खटला दाखल केला होता.

मेधा सोमय्या यांच्या अर्जावर मुंबईच्या शिवडी न्यायालयात सुनावणी झाली. या प्रकरणी न्यायालयाने संजयराऊत यांना दोषी ठरवले आहे. मेधा सोमय्या यांचे वकील विवेकानंद गुप्ता यांनी सांगितले की, न्यायालयाने संजय राऊत यांना 15 दिवसांची शिक्षा सुनावली आहे. 25 हजार रुपयांचा दंडही ठोठावण्यात आला आहे. राऊत यांनी मेधा यांच्यावर 100 कोटी रुपयांच्या शौचालय घोटाळ्यात सहभागी असल्याचा आरोप केला होता. मेधा यांनी राऊत यांचे आरोप पूर्णपणे फेटाळून लावले होते. त्या म्हणाल्या होत्या की, राऊत यांनी आपल्यावरील आरोप पूर्णपणे निराधार आहेत.

Hindu go back : ‘हिंदूंनो परत जा…’, कॅलिफोर्नियातील BAPS मंदिरात द्वेषपूर्ण संदेश लिहून तोडफोड

हे प्रकरण 2022 सालचे आहे. मुलुंडमधील शौचालय घोटाळ्यात मेधा सोमय्या यांचा हात असल्याचा आरोप संजय राऊत यांनी केला. याचा प्रत्युत्तर देत किरीट सोमय्या यांनी संजय राऊत यांना हा आरोप सिद्ध करण्याचे आव्हान दिले. मात्र असा कोणताही पुरावा संजय राऊत यांनी सादर केला नाही. मेधा सोमय्या यांनी संजय राऊत यांच्याविरोधात 100 कोटी रुपयांचा मानहानीचा दावा दाखल केला होता.

सोमय्या यांचे म्हणणे आहे की, राऊत यांनी 16 एप्रिल रोजी आरोपांची पुनरावृत्ती केली होती. एका टीव्ही वाहिनीला त्यांनी मुलाखत दिली. त्यांनी आपल्या दाव्याच्या समर्थनार्थ राऊत यांच्या मुलाखतीचे व्हिडिओ फुटेजही न्यायालयाला दिले. सोमय्या म्हणाले की, राऊत यांचे आरोप प्रमुख वृत्तवाहिन्यांमधून प्रसारित झाले. अशा प्रकारे आमच्या प्रतिमेला मोठा फटका बसला.