Pune Porsche Accident : पैशाचा खेळ रंगे, दोन डॉक्टरांसंगे; दोन डॉक्टर आणि त्यांच्या सहकाऱ्याला 30 मे पर्यंत पोलीस कोठडी!! Pune Porsche Accident vishal agarwal

Pune Porsche Accident : पैशाचा खेळ रंगे, दोन डॉक्टरांसंगे; दोन डॉक्टर आणि त्यांच्या सहकाऱ्याला 30 मे पर्यंत पोलीस कोठडी!!

वृत्तसंस्था

पुणे : बड्या बापाच्या बेट्याने दारू पिऊन आलिशान पोर्शे कार भरधाव वेगवान चालवून दोन इंजिनियर्सचे बळी घेतले, पण बेट्याच्या बड्या बिल्डर बापाने आपल्या बेट्याला सोडवण्यासाठी बड्या नेत्यांची मदत घेऊन डॉक्टरांना लाच दिली. डॉक्टरांबरोबर त्याने पैशाचा खेळ केला. त्यामुळे ससून मधले डॉ. अजय तावरे आणि डॉ. श्रीहरी होलनर यांनी बेट्याचे ब्लड सॅम्पल बदलले. Pune Porsche Accident vishal agarwal

आता बिल्डर विशाल अग्रवाल, त्याचे वडील सुरेंद्रकुमार अग्रवाल, दोन इंजिनिअर्सना चिरडणारा अल्पवयीन बेटा वेदांत अग्रवाल डॉ. अजय तावरे, डॉ. श्रीहरी होलनर आणि त्यांना पैसे देणारा अतुल घटककांबळे या सगळ्यांना न्यायालयाने तुरुंगाची हवा खायला लावली आहे.

ब्लड सॅम्पल बदलल्यानंतर अटक झालेल्या ससूनच्या फॉरेन्सिक लॅबचा प्रमुख डॉ. अजय तावरेने आपण गप्प बसणार नसल्याची धमकी देऊन सगळ्यांची नावे घेणार असल्याचे पोलीस चौकशी सांगितले. त्यामुळे राष्ट्रवादीतल्या बड्या नेत्यांचे धाबे दणाणले आहेत. पैशाच्या खेळात पुण्यातल्या आमदाराचे नावही गोवले गेले आहे.

बिल्डर अग्रवाल आणि पवार यांचे संबंध अग्रवालचा आरोपी मुलगा, त्याचा वकील विशाल विशाल पाटील याचे पवारांशी संबंध हा मुळात महाराष्ट्राच्या राजकीय वर्तुळात चर्चेचा विषय ठरलाच आहे. आता त्या पलीकडे जाऊन यात डॉक्टरांशी पैशाचा खेळ झाल्याने पवारांभोवतीचे संशयाचे जाळे अधिक विस्तारले आहे. सामाजिक कार्यकर्त्या अंजली दमानिया यांनी नेमक्या याच विषयावर बोट ठेवून अजित पवारांच्या मोबाईलची फॉरेनची डिपार्टमेंट मार्फत चौकशी करण्याची मागणी केली आहे.