खवले मांजराच्या खवल्यांची तस्करी; करणाऱ्याला ठाण्यातून केली अटक

By, Vishal Joshi - January 28, 2022 11:03:03

0

विशेष प्रतिनिधी

ठाणे :- खवले मांजराच्या खवल्यांची तस्करी करणाऱ्याला ठाण्यातून पोलिसांनी अटक केली आहे. pengolin Smuggler arrested from Thane

ठाण्यातील वागळे ईस्टेट परिसरातील २२ नंबर सर्कल येथे एक जण वन्यप्राणांच्या अवयवांची विक्री करण्यास येणार असल्याची माहिती ठाणे गुन्हे शाखा युनिट एकच्या पथकास मिळाली होती. या माहितीनुसार पथकाने २६ जानेवारी रोजी सायंकाळी सापळा लावून एका संशयितास ताब्यात घेतले. किरण परशुराम धनवडे असे अटक केलेल्या तस्कराचे नाव आहे.

ठाण्यातील प्राइम क्रिटिकेअर रुग्णालयात भीषण आग, दुसरीकडे शिफ्ट करताना चार रुग्णांचा मृत्यू

त्याची तपासणी केली असता त्याच्याकडे असलेल्या एका बॅगेत दुर्मिळ सस्तन प्राणी खवले मांजराचे साडे पाच किलो खवले त्याच्याकडे आढळून आले. चौकशीत हे खवले १२ लाख रुपयात विकण्यासाठी आणल्याचे उघडकीस आले. हे खवले कोण खरेदी करणार होते व अटकेतल्या आरोपीने ते कोठून आणले होते याचा तपास सुरू असल्याची माहिती ठाणे पोलिसांनी दिली.