नाशिकमध्ये नो हेल्मेट,नो पेट्रोल, छगन भुजबळ यांनी सुरू केली मोहीम

By, Sachin Deshmukh - August 16, 2021 07:10:12

0

विशेष प्रतिनिधी

नाशिक: पालक मंत्री छगन भुजबळ यांनी नाशिकमध्ये नो हेल्मेट, नो पेट्रोल मोहीम सुरू केली आहे. आता हेल्मेट नसल्यास दुचाकीचालकांना पेट्रोल मिळणार नाही. मात्र, हेल्मेटसक्ती लावण्याचा हा भाग असल्याचे नागरिकांचे म्हणणे आहे.No Helmet, No Patrol, Chhagan Bhujbal started the campaign in Nashik

नाशिकमध्ये स्वातंत्र्य दिनानिमित्त पालक मंत्री छगन भुजबळ यांच्या हस्ते ‘नो हेल्मेट, पेट्रोल नाही’ मोहीम सुरू करण्यात आली. येथील गंगापूर रोडवरील सद्भावना पोलीस पेट्रोल पंपावर मोहिमेचे उद्घाटन करताना भुजबळ म्हणाले, लोकांनी हेल्मेट घालण्यासह वाहतुकीचे नियम पाळले पाहिजेत.

नाशिकमध्ये ध्वज संहिता धुडकावून दुकानदारांने विक्रीस ठेवले भारतीय तिरंगा ध्वज; पोलीसांच्या धडक कारवाईत ध्वज जप्त

शहरात झालेल्या 782 अपघातांमध्ये 825 लोकांना आपला जीव गमवावा लागला होता. गेल्या पाच वर्षात.मरण पावलेल्या 825 पैकी 467 दुचाकीस्वार होते. त्यापैकी 397 जणांनी अपघाताच्या वेळी हेल्मेट घातले नव्हते. हेल्मेट नियमांचे उल्लंघन होऊ नये यासाठी पेट्रोलपंपावर सीसीटीव्ही बसविण्यात येणार आहेत. जे या नियमाचा भंग करतील त्यांना दंड केला जाईल.

दुचाकीचालकांना हेल्मेट वापर अनिवार्य करण्यात आला आहे. त्यांच्याकडे हेल्मेट नसल्यास त्यांना पेट्रोल मिळणार नाही, या आदेशाची अंमलबजावणी १५ आॅगस्टपासून करण्यात येणार आहे. याबाबत अधिसूचना जारी केली आहे. राज्य शासनाच्या परिपत्रकानुसार २१ जुलै २०१६ आणि ५ऑगस्ट २०१६ अन्वये नो हेल्मेट, नो पेट्रोलचे धोरण निश्चित केले आहे.

त्या अनुषंगाने प्रादेशिक परिवहन यांची जबाबदारी निश्चित केली आहे. तसेच गृह विभागानेही १९ मे १९९० च्या अधिसूचनेन्वये पोलिस आयुक्तांना आयुक्तालय हद्दीसाठी सार्वजनिक सुरक्षा हितासाठी मोटार वाहन चालविण्यावर वाजवी निर्बंध घालण्याचे अधिकार दिले आहेत. त्यानुसार पोलिस आयुक्त दीपक पांडेय यांनी सर्व पेट्रोलपंपमालकांना आदेश देत हेल्मेट परिधान केलेल्या चालकालाच पेट्रोल द्यावे,

हेल्मेट नसेल तर इंधन देऊ नये. विनाहेल्मेट चालकाला पेट्रोल दिल्यास चौकशी केली जाणार आहे.नो हेल्मेट, नो पेट्रोल आदेशाची अंमलबजावणी करताना सुरुवातीचे १५ दिवस पोलिसांकडून पेट्रोलपंपावर बंदोबस्त ठेवण्यात येणार आहे. सीसीटीव्ही लावण्याचे आदेश असून रेकॉर्डिंग ४५ दिवस जतन करावे लागणार आहे.नाशिकचे पोलीस आयुक्त दीपक पांडे म्हणाले की इंधन पंपांनी हेल्मेट नियमाचा भंग करणाºया कोणत्याही व्यक्तीला पेट्रोल देऊ नये याची खात्री करणे आवश्यक आह.