मनी लाँड्रिंग प्रकरणात शिवसेना आमदार रवींद्र वायकर ईडीसमोर हजर, 8 तास चालली चौकशी । Money Laundering Case Shivsena MLA Ravindra Vaykar appeared before ED, questioned for 8 hours

मनी लाँड्रिंग प्रकरणात शिवसेना आमदार रवींद्र वायकर ईडीसमोर हजर, ८ तास चालली चौकशी

अंमलबजावणी संचालनालयाने (ईडी) मंगळवारी मनी लॉन्ड्रिंगप्रकरणी शिवसेना नेते आणि आमदार रवींद्र वायकर यांची चौकशी केली. वायकर यांची मुंबईतील ईडी कार्यालयात सुमारे 8 तास चौकशी करण्यात आली. वायकर यांनी ईडीच्या चौकशीला उत्तरे दिली नाहीत. Money Laundering Case Shivsena MLA Ravindra Vaykar appeared before ED, questioned for 8 hours

वृत्तसंस्था

मुंबई : अंमलबजावणी संचालनालयाने (ईडी) मंगळवारी मनी लॉन्ड्रिंगप्रकरणी शिवसेना नेते आणि आमदार रवींद्र वायकर यांची चौकशी केली. वायकर यांची मुंबईतील ईडी कार्यालयात सुमारे 8 तास चौकशी करण्यात आली. वायकर यांनी ईडीच्या चौकशीला उत्तरे दिली नाहीत.

ईडीच्या अधिकाऱ्यांनी वायकर यांना ज्या प्रकरणात चौकशीसाठी बोलावले होते त्या प्रकरणाचा तपशीलही शेअर केला नाही. सूत्रांनी सांगितले की, वायकर आणि या प्रकरणाशी संबंधित काही जणांना एजन्सीने दोन आठवड्यांपूर्वी त्यांचे म्हणणे नोंदवण्यासाठी बोलावले होते.

शिवसेना-भाजप : एकमेकांच्या हिमती काढत राजीनाम्यांची आव्हानाची खडाखडी!!

वायकर आणि आमदार प्रताप सरनाईक, खासदार भावना गवळी, माजी खासदार आनंदराव अडसूळ यांसारख्या शिवसेनेच्या अनेक नेत्यांविरोधात एजन्सीने नोंदवलेल्या मनी लाँड्रिंगच्या गुन्ह्यांची ईडीकडून चौकशी सुरू आहे. भाजप नेते किरीट सोमय्या यांनी वायकर आणि त्यांच्या पत्नीवर जमिनीशी संबंधित एका प्रकरणात आरोप केले होते.

शिवसेना नेते वायकर हे मुख्यमंत्री उद्धव ठाकरे यांचे निकटवर्तीय मानले जातात आणि शहरातील विविध संस्थांचे ते पदाधिकारी आहेत. दुसरीकडे, जाणूनबुजून केंद्रीय संस्थांचा वापर विरोधकांना दडपण्यासाठी केला जात असल्याचा आरोप शिवसेनेकडून होत आला आहे.