ज्येष्ठ गणिततज्ञ डॉ. मंगला नारळीकर यांचे निधन . 79 व्या वर्षी घेतला अखेरचा श्वास..

By, Pravin Pawar - July 17, 2023 04:15:44

0

विशेष प्रतिनिधी

पुणे : ज्येष्ठ गणितज्ञ, शास्त्रज्ञ आणि लेखिका डॉ. मंगला नारळीकर यांचं आज पुण्यात राहत्या घरी निधन झालं, त्या ७९ वर्षांच्या होत्या. गेले काही महिने त्या कर्करोगानं त्रस्त होत्या. ज्येष्ठ खगोलशास्त्रज्ञ डॉ. जयंत नारळीकर यांना त्यांच्या संपूर्ण कारकिर्दीत पत्नी आणि सहकारी म्हणून मंगलाताईंनी महत्त्वपूर्ण साथ दिली. प्रगत गणितावर काम करणाऱ्या मंगला नारळीकर यांनी मुंबई विद्यापीठातून बी.ए. ही पदवी संपादन केली आणि गणित या विषयात त्यांनी एम.ए. केलं. Mangala naralikar death

नाशिक साहित्य संमेलन : अध्यक्ष डॉ. जयंत नारळीकर आणि मुख्यमंत्री ठाकरेही प्रकृती अस्वास्थ्यामुळे गैरहजर, भुजबळांनी केले सारस्वतांचे स्वागत

या परीक्षेत त्या विद्यापीठातून पहिल्या आल्या आणि त्यावेळी त्यांना कुलपतींकडून सुवर्णपदक देखील मिळालं. लहान मुलांना सोप्या भाषेत गणित समजावून सांगण्यात त्यांचा हातखंडा होता. त्यांनी विपूल ग्रंथ लेखन केलं असून ‘पाहिलेले देश, भेटलेली माणसं’ हे त्यांचं पुस्तक विशेष गाजलं. तसंच ‘अ कॉस्मिक अॅडव्हेन्चर’ हे अनुवादित पुस्तक अभ्यासकांसाठी मार्गदर्शक ठरलं. ‘गणित गप्पा’, ‘गणिताच्या सोप्या वाटा’, ‘दोस्ती गणिताशी’ अशी लहान मुलांना प्रेरणा देणारी रंजक पुस्तकं देखील त्यांनी लिहिली