महाराष्ट्राकडे अत्यंत महत्त्वाची खाती; राणे मध्यम – लघू उद्योगमंत्री, डॉ. भागवत कराड अर्थ राज्यमंत्री, डॉ. भारती पवार आरोग्य राज्यमंत्री, दानवे रेल्वे राज्यमंत्री Maharashtra gets Important portfolios; Narayan Rane MSME, Dr. Bhagwat Karad MOS Finance, Dr. Bharati Pawar MOS Health

महाराष्ट्राकडे अत्यंत महत्त्वाची खाती; राणे मध्यम – लघू उद्योगमंत्री, डॉ. भागवत कराड अर्थ राज्यमंत्री, डॉ. भारती पवार आरोग्य राज्यमंत्री, दानवे रेल्वे राज्यमंत्री

कपिल पाटील यांच्याकडे पंचायत राज राज्यमंत्रीपद

वृत्तसंस्था

नवी दिल्ली – केंद्रीय मंत्रिमंडळातील महत्त्वाच्या फेरबदलात नारायण राणे यांच्याकडे MSME अर्थात मध्यम, लघू आणि सुक्ष्म उद्योग मंत्रालयाचा कारभार सोपविण्यात आला आहे. हे खाते आधी नितीन गडकरींकडे होते. किरण रिजीजू यांच्याकडे कायदेमंत्रीपद सोपविण्यात आले आहे.

महाराष्ट्रातल्या राज्यमंत्र्यांकडेही अत्यंत महत्त्वाची खाती आली असून डॉ. भागवत कराड अर्थ राज्यमंत्री, डॉ. भारती पवार आरोग्य आणि कुटुंब कल्याण राज्यमंत्री, तर रावसाहेब पाटील दानवे हे रेल्वे राज्यमंत्री बनले आहेत. कपिल पाटील यांच्याकडे पंचायत राज व्यवस्थेचे राज्यमंत्रीपद आले आहे.

मनसुख मांडवीय यांच्याकडे देशाच्या आरोग्य मंत्रीपदाची जबाबदारी सोपवण्यात आली आहे. तर आधीचे पेट्रोलिमयमंत्री धर्मेंद्र प्रधान हे नवे शिक्षणमंत्री आणि कौशल्यविकास मंत्री असतील.

त्यासोबतच नव्याने तयार करण्यात आलेल्या केंद्रीय सहकार विभागाची जबाबदारी केंद्रीय गृहमंत्री अमित शाह यांच्याकडे सोपवण्यात आली आहे. अमित शाह यांच्याकडे सहकार विभागाचा अतिरिक्त भार असणार आहे. त्यासोबतच इतरही महत्त्वाच्या खात्यांची जबाबदारी नव्याने शपथ ग्रहण केलेल्या मंत्र्यांवर सोपवण्यात आली आहे.

PM Modi allocated Ministry of Personnel, Public Grievances & Pensions, Amit Shah – Minister of Home Affairs & Minister of Cooperation, Rajnath Singh allocated Minister of Defence, Nirmala Sitharaman allocated Minister of Finance & Minister of Corporate Affairs: Rashtrapati Bhavan pic.twitter.com/qICSmJGPrl

— ANI (@ANI) July 7, 2021