बागेश्वर धामच्या धीरेंद्र शास्त्रींना महाराष्ट्रात No Entry! नाना पटोलेंनी केला विरोध, मुख्यमंत्री शिंदे यांना लिहिले पत्र|Dhirendra Shastri of Bageshwar Dham No Entry in Maharashtra! Nana Patole protested, wrote a letter to Chief Minister Shinde

बागेश्वर धामच्या धीरेंद्र शास्त्रींना महाराष्ट्रात No Entry! नाना पटोलेंनी केला विरोध, मुख्यमंत्री शिंदे यांना लिहिले पत्र

प्रतिनिधी

मुंबई : महाराष्ट्र काँग्रेसचे अध्यक्ष नाना पटोले यांनी मुख्यमंत्री एकनाथ शिंदे यांना पत्र लिहून बागेश्वर धामचे प्रमुख धीरेंद्र शास्त्री यांच्या मुंबईत 18-19 मार्च रोजी होणाऱ्या कार्यक्रमाला परवानगी देऊ नये, अशी विनंती केली आहे. त्यांनी लिहिले “महाराष्ट्र हे पुरोगामी राज्य आहे आणि अंधश्रद्धा पसरवणाऱ्या व्यक्तीला राज्यात स्थान नाही. मुंबईत बागेश्वर महाराजांचे कार्यक्रम झाले तर आम्ही त्याला विरोध करू. मनातील विचार जाणून घेऊन सर्व माहिती सांगण्याचा दावा हा व्यक्ती करतो. बागेश्वर बाबा देशभरात अनेक ठिकाणी दरबार आयोजित करतात आणि भक्तांची गर्दी उसळते.Dhirendra Shastri of Bageshwar Dham No Entry in Maharashtra! Nana Patole protested, wrote a letter to Chief Minister Shinde

अदानी, रामचरित मानस ते बागेश्वर धाम; आंतरराष्ट्रीय ते राष्ट्रीय टूलकिटचा “प्रताप”!!

धिरेंद्र शास्त्री यांनी संत तुकाराम महाराज यांचा अपमान करणारे विधान करुन लाखो वारकऱ्यांच्या भावना दुखावल्या आहेत, त्यांच्या कार्यक्रमाला राज्य सरकारने परवानगी देऊ नये. pic.twitter.com/vMT6ckDoUn

— Nana Patole (@NANA_PATOLE) March 16, 2023

मुंबईत बागेश्वर बाबाचा दरबार

बागेश्वर बाबाचा दरबार आता मुंबईत 18 आणि 19 मार्चला होणार आहे. महापालिका निवडणुका आणि अन्य राजकीय बदलांमुळे मुंबईतील वातावरण तापत असतानाच बागेश्वर बाबाच्या दरबाराचे आयोजन करण्यात आले आहे. बागेश्वर बाबांच्या या कार्यक्रमाला काँग्रेस प्रदेशाध्यक्ष नाना पटोले यांनी कडाडून विरोध केला आहे. मुंबईत बागेश्वर बाबांचा कोणताही कार्यक्रम होऊ देणार नाही, असे नाना पटोले म्हणाले. यापूर्वी बागेश्वर बाबांचा दरबार महाराष्ट्रातील नागपूर येथे भरला होता. त्यावेळीही बागेश्वरबाबांना अंधश्रद्धा निर्मूलन समितीने आव्हान दिले होते.

जय शिवाजी…जय महाराष्ट्र….
परमपूज्य सरकार महाराष्ट्र के ह्रदयस्थली ‘’मुंबई’’पधार रहे है…सनातन चेतना और हिंदूराष्ट्र के संकल्प के संग…पूज्य सरकार का दिव्य दरबार दिनाक 18-03-2023 शाम 4 बजे से….और दिव्य दर्शन और सनातन चर्चा 19-03-2023 शाम 4 बजे से…आप सभी सादर आमंत्रित है इस… pic.twitter.com/GVw5lqtab2

— Bageshwar Dham Sarkar (Official) (@bageshwardham) March 14, 2023

महाराष्ट्रात दुसऱ्यांदा दौरा

मध्य प्रदेशातील छत्तरपूर येथील बागेश्वर धामचे धीरेंद्र शास्त्री ऊर्फ बागेश्वर बाबा यांची महाराष्ट्रात दुसरी भेट आहे. याआधी ते नागपुरातील एका कार्यक्रमातून प्रकाशझोतात आले होते. त्यांच्या मुंबई दौऱ्याची माहिती खुद्द बागेश्वर धामच्या ट्विटर हँडलवरून देण्यात आली आहे. त्यांनी आपल्या ट्विटर हँडलवरून ही माहिती दिली आहे. बागेश्वर धाम यांनी ट्विटरद्वारे माहिती दिली आहे. या भव्यदिव्य कार्यक्रमासाठी सर्व नागरिकांना ट्विटरच्या माध्यमातून निमंत्रित करण्यात आले आहे.