Ajit Pawar अजितदादा ना किंग, ना किंगमेकर; नवाब मलिकांच्या दाव्याला दिले परस्पर प्रत्युत्तर!!

By, Pravin Wankhade - November 15, 2024 12:38:39

0

विशेष प्रतिनिधी

मुंबई : Ajit Pawar महायुतीतला तिसरा घटक पक्ष अजित पवारांची राष्ट्रवादी याच्याकडे निवडणुकीनंतर सत्तेच्या चाव्या येतील. त्यामुळे उपमुख्यमंत्री अजित पवार हे किंगमेकर बनतील, असा दावा त्यांच्या राष्ट्रवादीचे उमेदवार नवाब मलिक यांनी केला होता. मात्र अजित पवारांनी ना किंग, ना किंगमेकर, ना स्पॉयलर, असे सांगून मालिकांचा तो दावा फेटाळून लावला. एएनआय वृत्तसंस्थेला दिलेल्या मुलाखतीत अजितदादांनी सावध भूमिका घेतली. Ajit Pawar No Kingmaker not a king

भाजपचा विरोध असून देखील अजितदादांनी नवाब मलिक यांना शिवाजीनगर मानखुर्द मधून उमेदवारी दिली. त्यानंतर भाजपने त्यांचा प्रचार करणार नाही, असे स्पष्टपणे सांगितले. त्यामुळे नवाब मलिक भाजपवर चिडले. ते महायुतीत राहून देखील भाजप विरोधी वक्तव्य करण्यात पुन्हा एकदा आघाडीवर आले. या पार्श्वभूमीवरच नवाब मलिक यांनी सत्तेच्या चाव्या निवडणुकीनंतर अजितदादांच्या हातात येतील आणि ते किंगमेकर किंवा महायुतीचे गणित बिघडवणारे ठरतील, असा दावा केला.Ajit Pawar

#WATCH | On being asked if he will be 'kingmaker' or spoiler' during Maharashtra Assembly elections, NCP leader & Dy CM Ajit Pawar says, "… I have no interest in these talks of being a 'kingmaker' or 'spoiler'. We are taking to the public the govt schemes we have introduced.… pic.twitter.com/Lbvbd36Y8b

— ANI (@ANI) November 15, 2024

मात्र, नवाब मलिकांनी जरी भाजप विरोधी वक्तव्ये केली, तरी आपण भाजपला फार दुखावणे परवडणारे नसल्यामुळे अजितदादांनी सावध भूमिका घेत मुलाखत दिली. अजित पवार निवडणुकीनंतर किंग, किंगमेकर, की स्पॉयलर ठरतील??, असा सवाल स्मिता प्रकाश यांनी विचारल्यावर मला किंग, किंगमेकर किंवा स्पॉयलर असल्या चर्चेमध्ये अजिबात दिलचस्पी नाही, असे सांगून अजित पवारांनी महायुतीचे सरकार पुन्हा आणण्यासच आपले प्राधान्य असल्याचे स्पष्ट केले. एकनाथ शिंदे यांच्या नेतृत्वाखाली देवेंद्र फडणवीस आणि आपण आणलेल्या विविध लाभकारक योजनांचा प्रचार आणि प्रसार करण्यातच आपण गुंतलो असल्याचे देखील अजितदादांनी सांगितले. नवाब मलिकांच्या दाव्यापासून त्यांनी अंतर राखले.