डेल्टा प्रकाराविरुद्ध बूस्टर डोस : अमेरिकेत अतिगंभीर रुग्णांना कोरोनाावरील फायजर, मॉडर्ना लसीचा मिळणार तिसरा डोस 


विशेष प्रतिनिधी

वॉशिंग्टन : फ्रान्स आणि इस्रायलसारख्या देशांनंतर आता अमेरिकेनेही बूस्टर डोस मंजूर केला आहे. डेल्टा व्हेरिएंटच्या वाढत्या प्रकरणांमध्ये अमेरिकेतील उच्च जोखमीच्या रुग्णांना बूस्टर डोस दिले जातील. अमेरिकन औषध नियामकांनी आपत्कालीन वापरासाठी फायझर आणि मॉडर्नाचा तिसरा डोस मंजूर केला आहे.booster on Delta-type High-risk patients in US get third dose of Corona, Pfizer and Modern vaccines

अमेरिकन फूड अँड ड्रग ॲडमिनिस्ट्रेशन (एफडीए) ने आपल्या निवेदनात म्हटले आहे की, देशात असे लाखो लोक आहेत ज्यांना उच्च धोका आहे. याचा अर्थ, ज्या रुग्णांचे अवयव प्रत्यारोपण झाले आहे किंवा कर्करोगासारख्या आजाराने ग्रस्त आहेत, त्यांना लसीचा तिसरा डोस देण्यात येणार आहे.



एफडीए आयुक्त जेनेट वूडकॉक यांनी एका निवेदनात म्हटले आहे की, कोरोनाची आणखी एक लाट देशात दाखल झाली आहे.  एफडीए चिंतेत आहे की कमकुवत रोगप्रतिकारक शक्ती असलेल्या लोकांना या रोगाचा जास्त धोका आहे. असे रुग्ण दुसऱ्या डोसनंतर 28 दिवसांनी बूस्टर डोस घेऊ शकतील.

वूडकॉक यांनी एकच डोस घेतलेल्या लोकांबद्दल कोणतीही माहिती दिलेली नाही.  जॉन्सन अँड जॉन्सन (J&J) चा एकच डोस अमेरिकेत वापरला जात आहे. ज्या लोकांनी एकच डोस घेतला आहे, त्यांच्यासाठीही काही सूचना लवकरच जारी होण्याची शक्यता आहे.

मीडिया रिपोर्ट्सनुसार, आरोग्य अधिकाऱ्यांचा असा विश्वास आहे की लसीचा तिसरा डोस कमकुवत रोगप्रतिकारक शक्ती असलेल्या लोकांना महत्त्वाचा आहे. आरोग्य अधिकाऱ्यांनी सांगितले की, एप्रिलमध्येच फ्रान्सने अशा रुग्णांना बूस्टर डोस देण्याची परवानगी दिली होती.  तेथे तिसरा डोस दुसऱ्या डोसनंतर 28 दिवसांनी दिला जात आहे.  इस्रायल आणि जर्मनीने अलीकडेच तिसऱ्या डोसची शिफारस केली आहे.

booster on Delta-type High-risk patients in US get third dose of Corona, Pfizer and Modern vaccines

महत्त्वाच्या बातम्या

LEAVE A COMMENT

To be published, comments must be reviewed by the administrator.*



    शिंदे – फडणवीसांची समृद्धी महामार्गावर टेस्ट ड्राईव्ह मोदींनी केला जगातील सर्वात मोठा रोड शो! मंत्रालयात प्रवेशद्वाराजवळ महात्मा फुले, सावित्रीबाई फुले यांच्या तैलचित्राचे अनावरण