अंबानींसह जगातील टॉप 10 अब्जाधीशांपैकी 9 जणांना 132 अब्ज डॉलरचा फटका, एलन मस्क आणि मार्क झुकरबर्ग यांचे सर्वाधिक नुकसान


गतवर्षी कोरोनाच्या काळात जगभरातील अब्जाधीशांच्या संपत्तीत बरीच वाढ झाली होती, परंतु आतापर्यंत २०२२ हे वर्ष त्यांच्यासाठी अत्यंत वाईट ठरत आहे. शेअर बाजाराच्या अनिश्चिततेमुळे त्यांच्या संपत्तीत चढ कमी आणि उतारच जास्त सुरू आहे. जगातील टॉप 10 अब्जाधीशांपैकी नऊ जणांच्या संपत्तीत यावर्षी 132 अब्ज डॉलर्सची घट झाली आहे. केवळ वॉरेन बफे हे एकमेव अब्जाधीश आहेत ज्यांच्या संपत्तीत या कालावधीत $6.61 अब्जांनी वाढ झाली आहे.9 of the worlds top 10 billionaires, including Ambani, Lost 132 billion dollars, Alan Musk and Mark Zuckerberg biggest losers


वृत्तसंस्था

नवी दिल्ली : गतवर्षी कोरोनाच्या काळात जगभरातील अब्जाधीशांच्या संपत्तीत बरीच वाढ झाली होती, परंतु आतापर्यंत २०२२ हे वर्ष त्यांच्यासाठी अत्यंत वाईट ठरत आहे. शेअर बाजाराच्या अनिश्चिततेमुळे त्यांच्या संपत्तीत चढ कमी आणि उतारच जास्त सुरू आहे. जगातील टॉप 10 अब्जाधीशांपैकी नऊ जणांच्या संपत्तीत यावर्षी 132 अब्ज डॉलर्सची घट झाली आहे. केवळ वॉरेन बफे हे एकमेव अब्जाधीश आहेत ज्यांच्या संपत्तीत या कालावधीत $6.61 अब्जांनी वाढ झाली आहे.

एलन मस्क आणि मार्क झुकरबर्ग यांना या वर्षात आतापर्यंतचे सर्वाधिक नुकसान सहन करावे लागले आहे, टेस्लाचे सीईओ एलन मस्क यांना सर्वाधिक त्रास नुकसान झाले आहे. या कालावधीत त्यांची संपत्ती 46.8 अब्ज डॉलरने घटून 224 अब्ज डॉलरवर आली आहे. ब्लूमबर्गच्या ताज्या आकडेवारीनुसार, जेफ बेझोस यांना या काळात 14 अब्ज डॉलर्सचा फटका बसला आहे. एकूण $178 अब्ज संपत्तीसह ते आता श्रीमंतांच्या यादीत दुसऱ्या क्रमांकावर आहेत. त्याच वेळी बर्नार्ड अर्नॉल्टची संपत्ती या कालावधीत 18.4 अब्ज डॉलरने कमी होऊन 160 अब्ज डॉलरवर आली आहे.

यादरम्यान बिल गेट्स यांच्या संपत्तीतही घट झाली आहे. त्यांची एकूण संपत्ती 11.1 अब्ज डॉलरने कमी होऊन 127 अब्ज डॉलरवर आली आहे. लॅरी पेज यांची संपत्ती ८.८ अब्ज डॉलरने कमी होऊन १२० अब्ज डॉलरवर आली आहे. त्याच वेळी, मार्क झुकरबर्ग $ 42.4 अब्ज डॉलरने घटून 83.1 अब्ज डॉलरवर आले आहेत. सेर्गे ब्रिनचे आता $8.86 बिलियन घटून $115 बिलियनवर आले आहेत. स्टीव्ह बाल्मर यांची संपत्तीही $13.7 अब्जने कमी होऊन $106 अब्ज झाली आहे. तर लॅरी एलिसनच्या संपत्तीत ९.४४ अब्ज डॉलरची घट झाली आहे. ते आता ९७.७ अब्ज डॉलरसह १०व्या क्रमांकावर आहेत.

अंबानींच्या संपत्तीतही घसरण, अदानींची वाढ

आशियातील दोन सर्वात मोठ्या अब्जाधीशांबाबत बोलायचे झाले तर मुकेश अंबानी यांच्या संपत्तीत 1.01 अब्ज डॉलरची घट झाली आहे, तर गौतम अदानी यांच्या संपत्तीत 10.1 अब्ज डॉलरची वाढ झाली आहे. आशियातील नंबर वन अब्जाधीश होण्याच्या शर्यतीत मुकेश अंबानी सध्या अदानीपेक्षा खूपच कमी फरकाने पुढे आहेत. आता सोमवार सकाळपर्यंत मुकेश अंबानी $89.0 बिलियनसह 10 व्या क्रमांकावर आहेत, तर गौतम अदानी $86.6 बिलियनसह 11व्या क्रमांकावर आहेत. त्यांच्या मागे फेसबुकचे सीईओ मार्क झुकरबर्ग $83.1 अब्ज संपत्तीसह 12व्या स्थानावर आहेत.

9 of the worlds top 10 billionaires, including Ambani, Lost 132 billion dollars, Alan Musk and Mark Zuckerberg biggest losers

 

महत्त्वाच्या बातम्या

LEAVE A COMMENT

To be published, comments must be reviewed by the administrator.*



    देशातील सर्वात स्वस्त इलेक्ट्रिक कार झाली लाँच : टाटा टियागो EV अवघ्या 8.49 लाखांपासून; एका चार्जवर 315 किमी वेदांत – फॉक्सकॉन सेमी कंडक्टर प्रकल्पाचे सर्वेसर्वा अनिल अग्रवाल यांचे महत्वाचे मुद्दे वनडे फॉरमॅटमधून ऑस्ट्रेलियन क्रिकेटर ॲरॉन फिंचची निवृत्ती