"ओलीस ठेवलेल्या नागरिकांची सुटका होत नाही तोपर्यंत गाझा पट्टीला..." इस्रायलच्या मंत्र्याचं मोठं विधान! The Gaza Strip will not get water fuel until the hostages are released the big statement of the Israeli minister

“ओलीस ठेवलेल्या नागरिकांची सुटका होत नाही तोपर्यंत गाझा पट्टीला…” इस्रायलच्या मंत्र्याचं मोठं विधान!

मागील शनिवारी हमासचे दहशतवादी इस्रायलमध्ये घुसले तेव्हा त्यांनी आपल्यासोबत 150 नागरिकांना ओलीस ठेवले होते.

विशेष प्रतिनिधी

नवी दिल्ली : इस्रायल आणि हमासमध्ये गेल्या शनिवारपासून युद्ध सुरू आहे. दोन्ही बाजू एकमेकांवर सातत्याने रॉकेट डागत आहेत. मिळालेल्या माहितीनुसार, या हल्ल्यांमध्ये 2300 हून अधिक लोकांचा मृत्यू झाला आहे, तर 7 हजार लोक गंभीर जखमी आहेत. गेल्या काही दिवसांच्या तुलनेत इस्रायलने गाझा पट्टीवरील हल्ले आणखी तीव्र केले आहेत. The Gaza Strip will not get water fuel until the hostages are released the big statement of the Israeli minister

या हल्ल्यांदरम्यान, इस्रायलचे ऊर्जा मंत्री कॅटझ म्हणाले की जोपर्यंत हमास त्यांच्या ओलीस ठेवलेल्या नागरिकांना सोडत नाही तोपर्यंत गाझा पट्टीला पाणी आणि इंधन पुरवठा केला जाणार नाही. त्यांनी एका निवेदनात म्हटले आहे की गाझाला मानवतावादी मदत? इस्त्रायली ओलीस मायदेशी परत येईपर्यंत कोणताही स्विच चालू केला जाणार नाही, पाण्याचा नळ उघडला जाणार नाही आणि कोणतेही इंधन पाठवले जाणार नाही.

गेल्या शनिवारी हमासचे दहशतवादी इस्रायलमध्ये घुसले तेव्हा त्यांनी आपल्यासोबत 150 लोकांना ओलीस ठेवले होते. ओलीस ठेवण्यात आलेल्या लोकांमध्ये इस्रायली नागरिकांसह अनेक परदेशी नागरिकांचाही समावेश आहे. यानंतर इस्रायलने गाझा पट्टीवर प्रत्युत्तराची कारवाई सुरू केली. या हल्ल्यात आतापर्यंत 1200 हून अधिक लोकांचा मृत्यू झाल्याचे सांगण्यात येत आहे.

इस्रायलमध्ये आपत्कालीन सरकारची स्थापना, नेतान्याहू मंत्रिमंडळाने हमासला संपवण्याची घेतली शपथ!

नुकतेच इस्रायलने गाझावर “संपूर्ण वेढा” जाहीर केला, त्यानंतर तेथील पाणी, इंधन आणि वीजपुरवठा पूर्णपणे खंडित करण्यात आला. गाझा पट्टीचा एकमेव वीज प्रकल्प बुधवारी इंधन संपल्याने बंद पडला तेव्हापासून तो बंदच आहे.