तालिबानचा फतवा: विद्यार्थी – विद्यार्थीनींना एकत्र अभ्यास करण्याची परवानगी नाही

By, Ayesha Tamboli - August 30, 2021 07:41:11

0

युद्धग्रस्त देशात नवीन सरकार स्थापन करण्यास तयार असलेल्या तालिबानने सहशिक्षणावर बंदीची घोषणा केली आहे. महाविद्यालये, विद्यापीठांमध्ये विद्यार्थ्यांना एकत्र अभ्यास करण्याची परवानगी दिली जाणार नाही.Taliban’s Fatva: Not the permission of student and students study

वृत्तसंस्था

काबूल : महिलांच्या अधिकारांचा आदर केल्याचा दावा करणाऱ्या तालिबान्यांची फसवणूक पुन्हा जगासमोर आली आहे. युद्धग्रस्त देशात नवीन सरकार स्थापन करण्यास तयार असलेल्या तालिबानने सहशिक्षणावर बंदीची घोषणा केली आहे. महाविद्यालये, विद्यापीठांमध्ये विद्यार्थ्यांना एकत्र अभ्यास करण्याची परवानगी दिली जाणार नाही.

तसेच पुरुष शिक्षकांना मुलींना शिकवू दिले जाणार नाही असा फतवा काढला. शेख अब्दुल बाकी हक्कानी यांना काळजीवाहू उच्च शिक्षण मंत्री बनवल्यानंतर काही दिवसांनी हा निर्णय घेण्यात आला.

Kabul Blast : काबूलमध्ये शाळेबाहेर कारचा भीषण स्फोट, 55 ठार, 150 हून अधिक जखमी; मृतांमध्ये शाळकरी मुलींची संख्या जास्त

खामा प्रेसच्या अहवालानुसार, तालिबानच्या अधिकाऱ्यांनी गेल्या आठवड्यात अफगाणिस्तानच्या पश्चिम हेरात प्रांतात आदेश दिला की विद्यापीठांमध्ये मुली मुलांसोबत एकाच वर्गात शिकणार नाहीत.

अधिकाऱ्यांनी सांगितले की, सहशिक्षण चालू ठेवण्याचे कोणतेही औचित्य नाही आणि ही प्रणाली बंद केली पाहिजे.नवनियुक्त कार्यवाह शिक्षणमंत्र्यांनी सांगितले की अध्यापन उपक्रम शरिया कायद्यानुसार असतील.

हक्कानी म्हणाले की, मुला -मुलींना विद्यापीठांमध्ये एकत्र अभ्यास करण्याची परवानगी दिली जाणार नाही, उलट ते शरीयतनुसार स्वतंत्र वर्गात बसतील. खाजगी आणि सरकारी विद्यापीठांसोबत झालेल्या बैठकीनंतर हक्कानी यांनी ही घोषणा केली.