Russia attacks : ख्रिसमसच्या दिवशी रशियाचा युक्रेनवर हल्ला; 78 क्षेपणास्त्रे, 106 ड्रोन डागले

By, Pravin Wankhade - December 26, 2024 10:00:52

0

वृत्तसंस्था

कीव्ह : Russia attacks 25 डिसेंबर रोजी रशियाने युक्रेनच्या अनेक शहरांवर हवाई हल्ले केले. युक्रेनच्या वायुसेनेनुसार, रशियाने ख्रिसमसच्या दिवशी 78 क्षेपणास्त्रे आणि 106 ड्रोन डागले. यामध्ये 21 जण जखमी झाले असून एकाचा मृत्यू झाला आहे.Russia attacks

युक्रेनियन मीडियानुसार, सर्वात मोठा हल्ला खार्किव शहरावर करण्यात आला. याशिवाय डनिप्रो, क्रेमेन्चुक, क्रिवी रिह आणि इव्हानो-फ्रँकिव्हस्कवरही हल्ले करण्यात आले. येथे ऊर्जा पायाभूत सुविधांसह निवासी भागांना लक्ष्य करण्यात आले.

भुजबळांवर अन्याय झाल्याच्या सुप्रिया सुळेंना वेदना; पण त्यांच्या पक्षातून त्या भुजबळांना काही का देईनात??

स्थानिक प्रसारमाध्यमांनी दिलेल्या माहितीनुसार, रशियाने ही क्षेपणास्त्रे काळ्या समुद्रातून डागली आहेत. खार्किवच्या गव्हर्नरने सांगितले की रशियाने त्यांच्या शहरावर किमान 7 क्षेपणास्त्रे डागली, ज्यात 6 लोक जखमी झाले. हल्ल्यानंतर युक्रेनमधील अनेक शहरांमध्ये वीजपुरवठा बंद करण्यात आला आहे.

युक्रेनचे राष्ट्राध्यक्ष वोलोदिमिर झेलेन्स्की यांनी याला ‘अमानवीय’ म्हटले आहे. पुतिन हा माणूस नाही, असे ते म्हणाले. हल्ल्यासाठी त्यांनी जाणीवपूर्वक ख्रिसमसचा दिवस निवडला. त्याच वेळी, युक्रेनची सर्वात मोठी खाजगी ऊर्जा कंपनी DTEK ने सांगितले की युक्रेनच्या ऊर्जा प्रणालीवर रशियाचा हा 13 वा मोठा हल्ला आहे.

रशियाने झेलेन्स्कींच्या होम टाऊनलाही लक्ष्य केले

रशियाने राष्ट्राध्यक्ष झेलेन्स्की यांच्या होम टाऊन क्रिवी रिहवरही क्षेपणास्त्र हल्ले केले आहेत. एका अपार्टमेंटला बॅलेस्टिक क्षेपणास्त्राचा फटका बसला, त्यात एकाचा मृत्यू झाला आणि 15 जण जखमी झाले. त्याच वेळी, युक्रेनच्या दुस-या शहर डिनिप्रोवर क्षेपणास्त्र हल्ले झाले.

रशियाने यावर्षी 190 हून अधिक युक्रेनियन वसाहती ताब्यात घेतल्याचा दावा केला आहे. त्याचवेळी युक्रेनला दारूगोळा आणि सैनिकांचा तुटवडा जाणवत आहे.

दरम्यान, अमेरिकेचे पुढील राष्ट्राध्यक्ष डोनाल्ड ट्रम्प यांनी जानेवारीत पदभार स्वीकारल्यानंतर युद्ध संपवण्याचे आश्वासन दिले आहे. मात्र, त्यांनी याबाबत कोणतीही ठोस योजना जाहीर केलेली नाही.

रशियाच्या परराष्ट्रमंत्र्यांनी युक्रेनला इशारा दिला

यापूर्वी, रशियन वायुसेनेने सांगितले होते की त्यांनी 24-25 डिसेंबरच्या रात्री 59 युक्रेनियन ड्रोन पाडले होते. रशियाचे परराष्ट्र मंत्री सर्गेई लावरोव्ह यांनी युक्रेनच्या हल्ल्याबाबत इशारा दिला आहे. त्यांनी एका मुलाखतीत सांगितले की, युक्रेन सरकार नागरिकांना लक्ष्य करत आहे.

युक्रेनचा हल्ला असाच सुरू राहिला तर रशिया आणखी कठोर पावले उचलेल, असा इशारा लावरोव्ह यांनी दिला. यापूर्वी 21 डिसेंबर रोजी युक्रेनने रशियन शहर कझानवर 8 ड्रोनने हल्ला केला होता. त्यापैकी 6 हल्ले निवासी इमारतींवर झाले. कझान शहर रशियाची राजधानी मॉस्कोपासून 720 किलोमीटर अंतरावर आहे.

युक्रेननेही शुक्रवारी रशियाच्या कुर्स्क सीमेवर अमेरिकन क्षेपणास्त्रे डागली. यामध्ये 6 जणांचा मृत्यू झाला होता. त्यानंतर लगेचच रशियाने युक्रेनची राजधानी कीववर हल्ला केला आणि एका व्यक्तीचा मृत्यू झाला.