नेपाळचे काँग्रेस खासदार आणि वैद्यकीय महाविद्यालयाच्या संचालकाची पदवी बनावट, ‘CIB’ने केली अटक Nepals Congress MP and director of medical college faked CIB stuck

नेपाळचे काँग्रेस खासदार आणि वैद्यकीय महाविद्यालयाच्या संचालकाची पदवी बनावट, ‘CIB’ने केली अटक

खासदार सुनील शर्मासह अन्य चार जणांना पोलिसांनी अटक केली आहे.

विशेष प्रतिनिधी

काठमांडू : एका धक्कादायक प्रकरणात नेपाळ पोलिसांनी काँग्रेस खासदार सुनील शर्मा यांना बनावट पदवी खरेदी केल्याप्रकरणी अटक केली आहे. सुनील शर्मा यांचे शैक्षणिक प्रमाणपत्र बनावट असल्याचे सांगण्यात येत आहे. नेपाळ पोलिसांच्या सेंट्रल इन्व्हेस्टिगेशन ब्युरोने (सीआयबी) शर्मा आणि इतर चौघांना गुरुवारी काठमांडू येथून अटक केली. रामबाबू यादव, रणजित यादव, अलिना साह आणि अमित चौधरी अशी अटक करण्यात आलेल्या इतरांची नावे आहेत. Nepals Congress MP and director of medical college faked CIB stuck

काठमांडू मेडिकल कॉलेज आणि नोबेल मेडिकल कॉलेज (विराटनगर) चे संचालक सुनील शर्मा, शर्मा मोरंग-3 चे खासदार आहेत. पोलिस सूत्रांच्या माहितीनुसारर शर्मा यांनी बीडीबीकेएस कॉलेज, फोर्ब्सगंज, अररिया, बिहार येथून मिळवलेली शैक्षणिक प्रमाणपत्रे सादर केली. सीआयबी, वैद्यकीय परिषद आणि राष्ट्रीय परीक्षा मंडळाच्या संयुक्त पथकाने केलेल्या तपासणीत त्यांची प्रमाणपत्रे बनावट असल्याचे निष्पन्न झाले.

शर्मा यांच्या प्रमाणपत्राची पडताळणी करण्यासाठी नेपाळच्या राष्ट्रीय परीक्षा मंडळाने दोन वर्षांपूर्वी बिहार शाळा परीक्षा मंडळाकडे एक टीम पाठवली होती. शर्मा यांची प्रमाणपत्रे येथील नोंदींमध्ये आढळून आली नाहीत. सीआयबीने ‘ऑपरेशन क्वॅक’ सुरू केले, ज्याअंतर्गत नेपाळ मेडिकल कौन्सिलच्या मदतीने बनावट प्रमाणपत्र बनवून एमबीबीएस करणाऱ्या ५९ डॉक्टरांना अटक करण्यात आली.