इम्रान खान सरकारने पाकिस्तानी तालिबानचा 'उत्थान' करू नये: मलाला युसूफझाई | Imran Khan govt should not 'uplift' Pakistan Taliban: Malala Yousafzai

इम्रान खान सरकारने पाकिस्तानी तालिबानचा ‘उत्थान’ करू नये: मलाला युसूफझाई

विशेष प्रतिनिधी

पाकिस्तान : नोबेल शांतता पारितोषिक विजेती मलाला युसुफझाईने पाकिस्तान मधील तालिबान व्याप्त प्रदेशातील स्थिती बाबत चिंता व्यक्त केली आहे. मलाला म्हणाली, इम्रान खान सरकारने पाकिस्तानी तालिबानचा “उत्थान” करू नये. पाकिस्तानचे पंतप्रधान इम्रान खान यांच्या नेतृत्वाखालील सरकारने बंदी घातलेल्या तहरीक-ए-तालिबान पाकिस्तान (टीटीपी) च्या काही गटांशी झालेल्या चर्चेनंतर मलाला म्हणाली, “तुम्ही तडजोड तेव्हाच करता जेव्हा तुम्हाला असा विश्वास आहे की दुसर्‍या बाजूनेही गंभीरपणे विचार केला जातोय किंवा दुसरी बाजूही एक शक्तिशाली आहे.”

Imran Khan govt should not ‘uplift’ Pakistan Taliban: Malala Yousafzai

मलाला युसुफझाई पुढे म्हणाली, तालिबानला सार्वजनिक समर्थन नाही. पाकिस्तानातील कोणत्याही प्रदेशातून लोक म्हणत नाहीत की त्यांना तालिबान सरकार हवे आहे. त्यामुळे माझ्या मते, आपण पाकिस्तानी तालिबानला उभे करू नये.”

अफगाणिस्तानवर तालिबानच्या ताब्यानंतर काय म्हणाली नोबेल विजेती मलाला युसूफझाई, वाचा सविस्तर तिची प्रतिक्रिया…

या महिन्याच्या सुरुवातीला, इम्रान खान म्हणाले होते की त्यांचे सरकार प्रतिबंधित टीटीपीच्या काही गटांशी चर्चा करत आहे, जेणेकरून हा गट आपले शस्त्र खाली ठेवू शकेल आणि त्यांना देशाच्या घटनेचे पालन करण्यास राजी करू शकेल.

अफगाणिस्तान मधील परिस्थिती बद्दल बोलताना मलाला म्हणाली की, चांगल्या आणि वाईट तालिबानमध्ये भेद नसावा, कारण त्यांच्याकडे दडपशाही आणि स्वतःचे कायदे लागू करण्याची दृष्टी समान आहे. मलालाने मुलींच्या शिक्षणाबाबत विचारले असता अफगाणिस्तानातील परिस्थितीवर चिंता व्यक्त केली.