सौदी अरेबियाच्या यान्बू बंदराजवळ ड्रोन बोटीद्वारे हल्ला, आखातात पुन्हा वाद सुरु|Drone attack on Saudi port

सौदी अरेबियाच्या यान्बू बंदराजवळ ड्रोन बोटीद्वारे हल्ला, आखातात पुन्हा वाद सुरु

विशेष प्रतिनिधी

रियाध : सौदी अरेबियाच्या यान्बू बंदराजवळ स्फोटकांनी भरलेल्या बोटीचा स्फोट घडवून हल्ला करण्यात आला. लाल समुद्रातील या बंदराजवळ पोहोचण्याआधीच या बोटीला नष्ट करण्यातDrone attack on Saudi port

आल्याचा दावा सौदी अरेबियाने केला असला तरी या घटनेमुळे यामुळे बंदरातील वाहतूक काही काळ ठप्प झाल्याचे सूत्रांनी सांगितले.रिमोट कंट्रोलच्या साह्याने ही बोट बंदराच्या दिशेने सोडण्यात आली होती.

सौदी माध्यमांनी केले मोदी सरकारच्या प्रयत्नांचे कौतुक, म्हटले- काश्मीरला मुख्य प्रवाहात आणल्याने दिसू लागले लाभ

येमेनमधील हौथी बंडखोरांविरोधात सौदी अरेबियाची मोहिम सुरु असून या बंडखोरांना इराणचे पाठबळ असल्याचा सौदीचा आरोप आहे. हौथी बंडखोरांनी याआधी अनेक वेळा सौदीवर ड्रोनच्या साह्याने हल्ला केला असल्याने आजचा हल्लाही त्यांनीच केला असल्याची शक्यता व्यक्त होत आहे.

या हल्ल्याची जबाबदारी अद्यापही कोणत्या संघटनेने अथवा देशाने घेतलेली नाही. मात्र, यामुळे आखाती देशांमध्ये असलेला वाद पुन्हा एकदा समोर आला असून या वादामध्ये इस्राईल आणि इराण यांच्या वादाचीही जोड आहे.