पाकिस्तानात ईशनिंदेचा बळी ठरली आणखी एक व्यक्ती, जमावाने पोलिस ठाण्यात घुसून केलेल्या मारहाणीत मृत्यू Another person who became a victim of blasphemy in Pakistan, died after being beaten up by a mob that stormed into a police station

पाकिस्तानात ईशनिंदेचा बळी ठरली आणखी एक व्यक्ती, जमावाने पोलिस ठाण्यात घुसून केलेल्या मारहाणीत मृत्यू

वृत्तसंस्था

इस्लामाबाद : पाकिस्तानमध्ये पुन्हा एक व्यक्ती ईशनिंदेची बळी ठरली आहे. जमावात सामील असलेल्या लोकांनी पोलिस ठाण्यात घुसून तरुणाला बेदम मारहाण केली. ही घटना ननकाना साहिब भागातील आहे. वृत्तसंस्थेनुसार, जमावाने ठार मारलेल्या व्यक्तीवर कुराणचा अपमान केल्याचा आरोप होता. Another person who became a victim of blasphemy in Pakistan, died after being beaten up by a mob that stormed into a police station

या घटनेचा व्हिडिओही सोशल मीडियावर मोठ्या प्रमाणात व्हायरल होत आहे. पोलिस ठाण्याच्या आत प्रवेश करण्यासाठी जमाव गेट तोडताना दिसून येत आहे. गेट तोडल्यानंतर जमावाने पोलिस ठाण्यावर हल्ला केला. जमाव आरोपीला पोलिस स्टेशनच्या बाहेर ओढून नेतो, त्याचे कपडे काढतो आणि रस्त्यावर नेतो. यानंतर हल्लेखोरांनी त्या व्यक्तीला लाठ्याकाठ्यांनी बेदम मारहाण केली.

Total madness!!! An angry mob attacked the police station in Nankana Sahib. Reportedly an accused of blasphemy was killed and body burnt by the mob. Apparently police was unable to control the situation. pic.twitter.com/1kdNGFmqro

— Shiraz Hassan (@ShirazHassan) February 11, 2023

लाहोरपासून 80 किमी अंतरावर असलेल्या नानकाना साहिबमधील वॉरबर्टन पोलिस स्टेशनमध्ये ही घटना घडली. वारिस इसा असे ठार झालेल्या व्यक्तीचे नाव सांगितले जात आहे. पंजाब पोलिसांचे महानिरीक्षक डॉ. उस्मान अन्वर यांनी ईशनिंदा प्रकरणात त्या व्यक्तीच्या मृत्यूप्रकरणी दोन वरिष्ठ पोलिस अधिकाऱ्यांना निलंबित केले आहे. नानकाना साहिब सर्कलचे पोलीस उपअधीक्षक नवाज वारक आणि वॉरबर्टन स्टेशन हाऊस ऑफिसर फिरोज भाटी यांना निलंबित करण्यात आल्याचे पोलिसांनी एक निवेदन जारी केले आहे.

पाकिस्तानी मीडिया जिओ न्यूजनुसार, मॉब लिंचिंगची शिकार झालेली व्यक्ती दोन वर्षे तुरुंगात घालवून परत आली होती. तो जादूटोणा करत असे, त्याने कुराणावर आपल्या माजी पत्नीचे चित्र चिकटवले होते. या घटनेनंतर पंतप्रधान शाहबाज शरीफ यांनी यात सहभागी असलेल्यांवर कारवाई करण्याचे आदेश दिले आहेत.

हिंसक जमावाला रोखण्यात पोलीस का अपयशी ठरले, असा सवालही शाहबाज शरीफ यांनी उपस्थित केला. कायद्याचे राज्य सुनिश्चित केले पाहिजे यावर त्यांनी भर दिला. कोणालाही कायद्यावर प्रभाव टाकू दिला जाणार नाही.

ईशनिंदेच्या आरोपानंतर पाकिस्तानात कुणाची हत्या झाल्याची ही पहिलीच घटना नाही. यापूर्वी डिसेंबर 2021 मध्ये पंजाबमधील सियालकोट शहरात एका श्रीलंकन वंशाच्या माणसाला जमावाने बेदम मारहाण केली होती. ती व्यक्ती पाकिस्तानातील एका कारखान्यात व्यवस्थापक म्हणून काम करत होती. या घटनेची आंतरराष्ट्रीय स्तरावर बरीच टीका झाली होती.

गेल्या वर्षीच लाहोरमधील न्यायालयाने प्रियंता कुमाराच्या लिंचिंगमध्ये सहभागी असलेल्या 88 संशयितांना शिक्षा सुनावली होती. त्यापैकी सहा जणांना फाशीची शिक्षा सुनावण्यात आली.