Home  »  माहिती जगाची

रशियात मोठा दहशतवादी हल्ला, गोळीबार आणि बॉम्बस्फोटात 60 ठार, 145 जखमी

By, Pravin Wankhade - March 23, 2024 09:30:59
0

वृत्तसंस्था

मॉस्को : रशियन वृत्तसंस्थेने दिलेल्या माहितीनुसार, शुक्रवारी लढाऊ गणवेश घातलेल्या पाच बंदूकधाऱ्यांनी मॉस्कोजवळील एका कॉन्सर्ट हॉलमध्ये गोळीबार केला, ज्यात किमान 60 लोक ठार झाले आणि 145 जण गंभीर जखमी झाले. द असोसिएटेड प्रेस या वृत्तसंस्थेच्या वृत्तानुसार, रशियन राजधानीच्या पश्चिमेला असलेल्या क्रोकस सिटी हॉलमध्ये बंदुकधाऱ्यांनी गोळीबार केला. नंतर स्फोटाचे आवाजही ऐकू आले आणि कॉन्सर्ट हॉल आगीत जळून खाक झाल्याचे दिसले. हल्लेखोर कॉन्सर्ट हॉलमध्ये उपस्थित होते. एपीच्या रिपोर्टनुसार, रशियाची सर्वोच्च तपास यंत्रणा मॉस्को कॉन्सर्ट हॉलमध्ये झालेल्या गोळीबार आणि स्फोटाच्या घटनेची दहशतवादी हल्ला म्हणून चौकशी करत आहे.60 killed, 145 injured in a major terrorist attack in Russia, shooting and bombing

गोळीबार सुरू झाल्याच्या एक तासानंतर, रोसगवर्डिया विशेष दल क्रोकस सिटी हॉलमध्ये पोहोचले आणि दहशतवाद्यांचा खात्मा करण्यासाठी इमारतीमध्ये दहशतवादविरोधी कारवाई सुरू केली. आग विझविण्यासाठी हेलिकॉप्टर घटनास्थळी पाठवण्यात आले. कॉन्सर्ट हॉलमध्ये शेकडो लोक अडकल्याची भीती असल्याने घटनास्थळी 70 हून अधिक रुग्णवाहिका तैनात करण्यात आल्या होत्या. रशियन न्यूज रिपोर्ट्सनुसार, गोळीबारानंतर बंदूकधाऱ्यांनी कॉन्सर्ट हॉलमध्ये बॉम्ब फेकले. सोशल मीडियावर व्हायरल झालेल्या व्हिडीओमध्ये इमारतीवर काळ्या धुराचे लोट उठताना दिसत होते. वृत्त लिहिपर्यंत रशियन स्पेशल फोर्सेसने इमारतीत प्रवेश करून दहशतवाद्यांचा खात्मा करण्यासाठी आपली कारवाई सुरू केली होती.

मॉस्कोचे गव्हर्नर वोरोब्योव म्हणाले की, क्रोकस सिटी हॉलजवळ 70 हून अधिक रुग्णवाहिका तैनात आहेत, डॉक्टर सर्व जखमींना आवश्यक मदत करत आहेत. हॉलमधून मृतांचे मृतदेह बाहेर काढले जात आहेत. या आठवड्यासाठी रशियन राजधानीत सर्व सामूहिक मेळावे रद्द करण्यात आले आहेत. या महिन्याच्या सुरुवातीला अमेरिकेच्या दूतावासाने रशियातील अशा हल्ल्यांबाबत एक अॅडव्हायझरी जारी केली होती. यूएस दूतावासाने म्हटले होते की ‘अतिरेकी’ मॉस्कोमधील संगीत मैफिलीसारख्या मोठ्या संमेलनांना लक्ष्य करण्याचा विचार करत आहेत. ॲडव्हायझरीमध्ये अमेरिकन नागरिकांना अशा मोठ्या मेळाव्यात जाण्याचे टाळण्याचे आवाहन करण्यात आले होते.

कॉन्सर्ट हॉलवर दहशतवाद्यांनी हल्ला केला तेव्हा तिथे ‘पिकनिक म्युझिक’ या बँडचा कार्यक्रम सुरू होता. या संगीत मैफलीची सर्व तिकिटे विकली गेली. एका अंदाजानुसार, दहशतवाद्यांनी गोळीबार सुरू केला तेव्हा हॉलमध्ये 6200 लोक उपस्थित होते. क्रोकस येथील हॉलची कमाल क्षमता 9,500 लोकांची आहे. रशियाच्या विमानतळांवर सुरक्षा यंत्रणा सतर्क आहेत. रशियन मीडिया रिपोर्ट्सनुसार, दहशतवाद्यांनी आधी सुरक्षा रक्षकांची हत्या केली आणि नंतर कॉन्सर्ट हॉलची एंट्री आणि एक्झिट बंद करून अंदाधुंद गोळीबार सुरू केला. स्फोटानंतर कॉन्सर्ट हॉलच्या वरच्या मजल्यावर आग लागली आणि छताचा काही भाग कोसळला.

रशियाच्या परराष्ट्र मंत्रालयाच्या प्रवक्त्या मारिया झाखारोवा यांनी एका निवेदनात म्हटले आहे की, व्हाईट हाऊसने सांगितले की, मॉस्कोमध्ये झालेल्या दहशतवादी हल्ल्यात युक्रेन किंवा युक्रेनचा सहभाग असल्याचे कोणतेही संकेत मिळाले नाहीत. वॉशिंग्टनमध्ये बसलेले अधिकारी या शोकांतिकेच्या वेळी कोणाच्या निर्दोषतेबद्दल निष्कर्ष काढत आहेत? युनायटेड स्टेट्सकडे या संदर्भात काही विश्वसनीय माहिती असल्यास ती त्वरित रशियन बाजूकडे हस्तांतरित केली जावी. आणि जर अशी कोणतीही माहिती नसेल तर व्हाईट हाऊसला कोणालाही क्लीन चिट देण्याचा अधिकार नाही. या हल्ल्यामागे कोण आहे हे रशिया शोधून काढेल.

रशियातील हल्ल्यावर युक्रेन म्हणाला- यात आमचा कोणताही सहभाग नाही

दरम्यान, रशियामध्ये झालेल्या दहशतवादी हल्ल्याबाबत युक्रेनचे वक्तव्य आले आहे. मॉस्को कॉन्सर्ट हॉलमध्ये झालेल्या गोळीबार आणि स्फोटात युक्रेनचा सहभाग नसल्याचे राष्ट्राध्यक्ष वोलोडिमिर झेलेन्स्की यांनी म्हटले आहे. स्फोटानंतर लागलेल्या आगीमुळे कॉन्सर्ट हॉलचा बहुतांश भाग आगीच्या भक्ष्यस्थानी पडला आणि छत अर्धवट कोसळले. रशियन राज्य माध्यमांच्या मते, हल्लेखोरांनी ग्रेनेड किंवा आग लावणारा बॉम्ब फेकला, ज्यामुळे हॉलमध्ये आग लागली.

60 killed, 145 injured in a major terrorist attack in Russia, shooting and bombing

महत्वाच्या बातम्या

Array

LEAVE A COMMENT

To be published, comments must be reviewed by the administrator.*



    NEXT POST PREVIOUS POST
    दगडी चाल फेम अभिनेत्री पूजा सावंत ने गुपचूप उरकला साखरपुडा. श्रीमंत दगडूशेठ गणपती 2023 ब्रिटनचे पंतप्रधान ऋषी सुनक पत्नी अक्षता मूर्तीसह अक्षरधाम मंदिरात