Amol Mitkari : उमेदवारी नाकारताना पक्षाने साधे विचारलेही नाही; अमोल मिटकरींनी व्यक्त केली खंत
राष्ट्रवादी काँग्रेस अजित पवार गटाने आगामी विधानपरिषद निवडणुकीसाठी माजी आमदार झिशान सिद्दीकी यांच्या नावावर शिक्कामोर्तब करत त्यांना अधिकृत उमेदवारी दिली असून, त्यांनी आपला उमेदवारी अर्जही दाखल केला आहे. बाबा सिद्दीकी यांचे दुःखद निधन आणि विधानसभा निवडणुकीतील पराभवाच्या पार्श्वभूमीवर, वांद्रे पूर्व परिसरात पक्षाची ताकद पुन्हा वाढवण्यासाठी झिशान यांच्यावर हा मोठा विश्वास टाकण्यात आला आहे. या जागेसाठी पक्षांतर्गत अनेक ज्येष्ठ नेते इच्छुक असतानाही झिशान सिद्दीकी यांनी बाजी मारली असून, या निवडीनंतर राष्ट्रवादीचे आमदार अमोल मिटकरी यांनी दिलेली प्रतिक्रिया आता चर्चेचा विषय ठरत आहे.