ASEAN-India Summit: पीएम मोदी म्हणाले – कोरोना महामारीच्या काळात देशाने आव्हानांचा सामना केला, जगाचाही पाठिंबा मिळाला

By, Pravin Wankhade - October 28, 2021 04:30:32

0

पंतप्रधान नरेंद्र मोदी आज ब्रुनेईच्या सुलतान हसनल बोलकिया यांच्या निमंत्रणावरून दक्षिणपूर्व आशियाई राष्ट्रांच्या असोसिएशनच्या 18 व्या आसियान-भारत परिषदेत सहभागी झाले. यादरम्यान, परिषदेला संबोधित करताना पंतप्रधान मोदी म्हणाले की, कोविड 19 महामारीमुळे आपल्या सर्वांना अनेक आव्हानांना तोंड द्यावे लागले, परंतु हा आव्हानात्मक काळ भारत-आसियान मैत्रीची परीक्षाही होती. Watch pm narendra modi Addressed at 18th asean india summit

वृत्तसंस्था

नवी दिल्ली : पंतप्रधान नरेंद्र मोदी आज ब्रुनेईच्या सुलतान हसनल बोलकिया यांच्या निमंत्रणावरून दक्षिणपूर्व आशियाई राष्ट्रांच्या असोसिएशनच्या 18 व्या आसियान-भारत परिषदेत सहभागी झाले. यादरम्यान, परिषदेला संबोधित करताना पंतप्रधान मोदी म्हणाले की, कोविड 19 महामारीमुळे आपल्या सर्वांना अनेक आव्हानांना तोंड द्यावे लागले, परंतु हा आव्हानात्मक काळ भारत-आसियान मैत्रीची परीक्षाही होती.

भारत आणि आसियानमध्ये हजारो वर्षांपासून संबंध

पीएम मोदी म्हणाले, “इतिहास साक्षीदार आहे की भारत आणि आसियानमध्ये हजारो वर्षांपासून जिवंत संबंध आहेत. त्यांची झलक आपली सामायिक मूल्ये, परंपरा, भाषा, ग्रंथ, वास्तुकला, संस्कृती, खाणेपिणे दाखवते. आसियानची एकता आणि केंद्रियता ही भारतासाठी नेहमीच महत्त्वाची प्राथमिकता राहिली आहे.”

Addressing the India-ASEAN Summit. https://t.co/OaQazNtC2A

— Narendra Modi (@narendramodi) October 28, 2021

ते म्हणाले, “२०२२ मध्ये आमच्या भागीदारीला ३० वर्षे पूर्ण होतील. भारतालाही स्वातंत्र्य मिळून ७५ वर्षे पूर्ण होणार आहेत. हा महत्त्वाचा टप्पा आम्ही ‘आसियान-भारत मैत्री वर्ष’ म्हणून साजरा करणार आहोत याचा मला खूप आनंद आहे.

दरम्यान, ही परिषद दरवर्षी आयोजित केली जाते जी आसियान आणि भारताला उच्च स्तरावर संवाद साधण्याची संधी देते. गेल्या वर्षी नोव्हेंबरमध्ये 17 व्या आसियान संमेलनात पंतप्रधान मोदी सहभागी झाले होते. यावेळी पंतप्रधान मोदी 9व्या आसियान-भारत शिखर परिषदेत सहभागी झाले होते. आसियान-भारत भागीदारी मजबूत सामायिक भौगोलिक, ऐतिहासिक आणि सभ्यता पायावर आधारित आहे. आसियान गट हा भारताच्या ‘अॅक्ट ईस्ट पॉलिसी’चा गाभा आहे आणि इंडो-पॅसिफिक क्षेत्रासाठी सर्वसमावेशक दृष्टिकोन त्याच्या स्थापनेपासून आहे.