थुंकीचे डाग पुसण्यासाठी रेल्वेचा दरवर्षी कोट्यवधींचा खर्च, आता इझीस्पिटच्या वापरामुळे घाणही पसरणार नाही, उलट वृक्षसंवर्धनही होणार.. वाचा सविस्तर..|Railways spend crores of rupees every year to wipe sputum stains, Now use of EasySpit will Help tree planting

थुंकीचे डाग पुसण्यासाठी रेल्वेचा दरवर्षी कोट्यवधींचा खर्च, आता इझीस्पिटच्या वापरामुळे घाणही पसरणार नाही, उलट वृक्षसंवर्धनही होणार.. वाचा सविस्तर..

वृत्तसंस्था

नवी दिल्ली : कोरोना महामारीदरम्यान कडक तरतुदी लागू करण्यात आल्या असूनही सार्वजनिक ठिकाणी थुंकणे ही एक मोठी समस्या बनून आहे. यावर उपाय म्हणून भारतीय रेल्वेने एक नवीन योजना तयार केली आहे. याअंतर्गत, पॉकेट साइज पुन्हा वापरता येण्याजोगा आणि बायोडिग्रेडेबल थुंकदाणीला प्रोत्साहन दिले जाईल. यामुळे घाण पसरणार नाही, उलट रोपं जगतील आणि वाढतीलही.Railways spend crores of rupees every year to wipe sputum stains, Now use of EasySpit will Help tree planting

एका अंदाजानुसार, भारतीय रेल्वेला त्यांच्या आवारात आणि गाड्यांमधील पान-गुटख्यांचे डाग काढून टाकण्यासाठी दरवर्षी 1,200 कोटी रुपये खर्च करावे लागतात आणि लक्षणीय प्रमाणात पाणीही वापरावे लागते. आता रेल्वेकडून 42 स्थानकांवर पीकदान (थूंकीचे पात्र) विक्रीसाठी व्हेंडिंग मशीन लावली जात आहे. या मशीनमधून स्पिटफायर पाउच 5, 10 रुपयांना खरेदी करता येतील.

कोरोनावरील बनावट औषधांचे पुणे कनेक्शन, विक्री प्रकरणी एकला अटक; कोट्यवधींचा मुद्देमाल जप्त

पश्चिम, उत्तर आणि मध्य या तीन रेल्वे झोनने यासाठी इझीस्पिट या स्टार्टअपला कंत्राट दिले आहे. ही पाकिटे खिशात सहज ठेवता येतात. यात, प्रवासी जेव्हा वाटेल तेव्हा थुंकू शकतात. यामुळे आजूबाजूला घाण पसरणार नाही. या उत्पादनामध्ये मॅक्रोमोलेक्यूल पल्प तंत्रज्ञान आहे आणि अशा सामग्रीसह सुसज्ज आहे जे लाळेमध्ये उपस्थित बॅक्टेरिया आणि विषाणूंना लॉक करते.

वेगवेगळ्या आकाराचे हे पाउच 15 ते 20 वेळा वापरता येतात. थैलीमध्ये सुरुवातीच्या पदार्थात रोपांच्या बियादेखील असतील, जे थुंकी शोषून घेईल. जेव्हा पाउचमधील सामग्री जमिनीत किंवा चिखलात फेकली जाते, तेव्हा त्यातून रोपे उगवतील. नागपूरस्थित कंपनीने स्थानकांवर EasySpit वेंडिंग मशीन बसवण्यास सुरुवात केली आहे. त्यांना नागपूर महानगरपालिका आणि औरंगाबाद महानगरपालिकेकडूनही कंत्राटे मिळाली आहेत.