ऑक्टोबर- नोव्हेंबरमध्ये तिसरी लाट येण्याची शक्यता, मात्र तीव्रता राहणार कमी Third wave will not o dangerous I

ऑक्टोबर- नोव्हेंबरमध्ये तिसरी लाट येण्याची शक्यता, मात्र तीव्रता राहणार कमी

विशेष प्रतिनिधी

नवी दिल्ली – कोरोनाचे आणखी काही संसर्गजन्य व्हेरिएंट सप्टेंबर अखेरपर्यंत तयार झाले तर ऑक्टोबर- नोव्हेंबरमध्ये तिसरी लाट येऊ शकते पण तिची तीव्रता ही दुसऱ्या लाटेपेक्षा कमी असेल असा अंदाज संशोधकांनी गणितीय आराखड्याच्या माध्यमातून व्यक्त केला आहे. Third wave will not o dangerous

तिसऱ्या लाटेची तीव्रता ही दुसरीपेक्षा एक चतुर्थांशच असण्याची शक्यता आहे. याआधीही याच संशोधकांनी व्यक्त केलेल्या अंदाजामध्ये ऑक्टोबर आणि नोव्हेंबरमध्ये संसर्ग सर्वोच्च पातळी गाठण्याची शक्यता वर्तविली होती. आता ताज्या अंदाजामध्ये तिसरी लाट ही तुलनेने कमी तीव्र असू शकते असे भाकीत वर्तविण्यात आले आहे.

Kerala Coronavirus Cases : केरळमध्ये आज 32 हजारांहून अधिक कोरोना रुग्णांची नोंद, 179 रुग्णांचा मृत्यू

आयआयटी कानपूरमधील संशोधकांच्या तीन सदस्यीय पथकाने हे संशोधन केले आहे. तिसऱ्या लाटेदरम्यान देशभरात दररोज एक लाख रुग्ण सापडू शकतात, दुसऱ्या लाटेत हेच प्रमाण दररोज चार लाखांपेक्षाही अधिक होते त्यामुळे मे महिन्यात या लाटेने हजारो लोकांचा बळी घेतल्याचे संशोधकांनी म्हटले आहे.