पाचवी नापास आमदाराने रेमडेसिव्हीरची सिरींज भरल्यामुळे उफाळला वाद, गुजरातमधील कामरेजमधील प्रकार

By, Pravin Wankhade - May 24, 2021 10:58:28

0

विशेष प्रतिनिधी

अहमदाबाद – कामरेजमधील पाचवी नापास भाजप आमदार व्ही. डी. झालावाडीया यांनी एका आरोग्य केंद्रात सिरींजमध्ये इंजेक्शन भरल्यामुळे नवा वाद निर्माण झाला आहे. आपण कुणालाही इंजेक्शन दिले नाही, केवळ रुग्णांची सेवा करीत आहोत आणि दोनशेहून जास्त रुग्ण बरे करून उत्तम स्थितीत घरी पाठविले असा दावा त्यांनी केला. Failed MLA create controversy by his act

गुजरातमध्ये आढळले ब्लॅक फंगसचे सर्वाधिक रुग्ण ; महाराष्ट्र, आंध्र प्रदेश दुसऱ्या आणि तिसऱ्या क्रमांकावर

सार्थना कम्युनिटी कोविड सेंटरमध्ये हा प्रकार घडला. झालावाडीया यांनी सांगितले की, गेली चाळीस दिवस मी हा केंद्रात स्वयंसेवी कार्य करतो आहे. मला कोणताही वाद निर्माण करायचा नाही. मी फक्त रेमडेसिव्हीर डोस सिरींजमध्ये भरला, पण कुणालाही इंजेक्शन टोचले नाही. मी सिरींज भरत असताना जवळपास १०-१५ डॉक्टर उपस्थित होते.

दरम्यान, यावर काँग्रेसने सडकून टीका केली आहे. वैद्यकीय कर्मचाऱ्यांनी आता आमदार महोदयांकडूनच प्रशिक्षण घ्यावे. तसेच या आमदाराचा पुतळा रुग्णालयात उभारण्यात यावा अशा शब्दांत टीका केली आहे.