पुण्यात सोमवारपासून 65 केंद्रावर लसीकरण सुरु ; महापालिकेला 13 हजार डोस सरकारकडून प्राप्त

By, Pravin Wankhade - May 23, 2021 08:10:41

0

वृत्तसंस्था

पुणे : पुणे महापालिकेला कोविशील्ड लसीचे 13 हजार डोस प्राप्त झाले आहेत. त्यामुळे शहरातील 65 केंद्रांवर ४५ वर्षापुढील नागरिकांना उद्या (सोमवार, ता. 24 ) सकाळी 8 वाजल्यापासून लस दिली जाणार आहे. या संदर्भातील माहिती महापौर मुरलीधर मोहोळ यांनी ट्विट करून दिली आहे. In Pune From Monday Covhishild Doses Will be Given

काही खासगी रुग्णालयांनीही थेट कंपनीकडून लस खरेदी केली असून, तेथेही लसीकरण सुरु राहणार आहे. ऑनलाइन नोंदणी करून लसीचा पहिला डोस घेणाऱ्या 45 वर्षापुढील नागरिकांसाठी 60 % लस राखीव आहे.

Corona Cases In India : २४ तासांत २.५७ लाख नवीन रुग्णांची नोंद, सक्रिय रुग्णसंख्या एक लाखाने घटली

थेट लसीकरण केंद्रावर जाणाऱ्या आरोग्य कर्मचारी, फ्रंटलाइन कर्मचारी आणि 45 वयोगटापुढील नागरिकांच्या पहिल्या डोससाठी 20 टक्के लस उपलब्ध आहे. 45 वर्षावरील नागरिकांनी पहिला डोस 27 फेब्रुवारीपूर्वी घेतला आहे. त्यांच्यासाठी 20 टक्के लस राखीव ठेवली आहे.