जयंत पाटील अन् थोरातांनी घेतली उद्धव ठाकरेंची भेट! MVA
विशेष प्रतिनिधी
मुंबई : महाराष्ट्र विधानसभा निवडणुकीच्या निकालापूर्वी महाविकास आघाडीत हालचालींना वेग आला आहे. शनिवारी (23 नोव्हेंबर) निकालापूर्वी महाविकास आघाडीच्या नेत्यांची हॉटेल हयात येथे महत्त्वपूर्ण बैठक झाली. मविआने निकालापूर्वी सर्व पैलूंवर चर्चा केल्याचे मानले जात आहे.
या बैठकीनंतर राष्ट्रवादीचे शरद पवार गटाचे जयंत पाटील आणि बाळासाहेब थोरात यांनी उद्धव ठाकरे यांची भेट घेण्यासाठी मातोश्री गाठले होते. हॉटेल हयात येथे एमव्हीएची बैठक संपल्यानंतर शिवसेनेचे उबाठा नेते संजय राऊत, शरद गटाचे जयंत पाटील आणि काँग्रेस नेते बाळासाहेब थोरात एकाच वाहनातून निघाले होते.
Exit Poll महाराष्ट्रात 11 पैकी 6 एक्झिट पोलमध्ये महायुतीचे सरकार, झारखंडमध्ये 8 पैकी 4 पोलमध्ये भाजपला बहुमत
महाराष्ट्र आणि झारखंडमधील विधानसभा निवडणुकीसाठी मतदान पूर्ण झाल्यानंतर आलेल्या बहुतांश एक्झिट पोलमध्ये भाजपच्या नेतृत्वाखालील महायुतीला स्पष्ट बहुमत मिळण्याची शक्यता आहे. मॅट्रिसच्या एक्झिट पोलनुसार, महायुतीला 150-170 जागा मिळू शकतात आणि MVA ला 110-130 जागा मिळू शकतात.
128-142 जागा मिळाल्या की महायुती महाराष्ट्रात सत्ता राखू शकते, असे लोकशाही मराठी-रुद्रच्या एक्झिट पोलने म्हटले आहे. पी-मार्कच्या एक्झिट पोलने अंदाज व्यक्त केला आहे की महायुतीला 137-157 जागा मिळू शकतात . पीपल्स प्लस एक्झिट पोलने अंदाज व्यक्त केला आहे की महायुती 175-195 जागा मिळवून मजबूत बहुमतासह सरकार स्थापन करेल. त्याचवेळी MVA ला 85-112 जागा मिळण्याचा अंदाज आहे.
To be published, comments must be reviewed by the administrator.*
Our website uses cookies to improve your experience. Learn more
Download App