Bangladesh : भारताची बांगलादेशला मागणी, हिंदूंची सुरक्षा सुनिश्चित करा, चटगावमध्ये हिंदूंवर हल्ला

By, Pravin Wankhade - November 8, 2024 01:00:50

0

वृत्तसंस्था

नवी दिल्ली : Bangladesh बांगलादेशातील चटगाव येथे हिंदूंवर झालेल्या हल्ल्याचा भारताने निषेध केला आहे. बांगलादेशला हिंदूंच्या सुरक्षेची खात्री करण्यास आणि अतिरेक्यांवर कारवाई करण्यास सांगितले आहे. याबाबत परराष्ट्र मंत्रालयाचे प्रवक्ते रणधीर जैस्वाल यांनी गुरुवारी पत्रकार परिषदेत माहिती दिली. जैस्वाल यांनी चटगावमधील तणावाचे श्रेय सोशल मीडियावरील एका प्रक्षोभक पोस्टला दिले.Bangladesh

वास्तविक, चटगावमधील इस्कॉन मंदिर आणि सनातन धर्मावर केलेल्या वादग्रस्त वक्तव्यामुळे हिंदूंमध्ये नाराजीचे वातावरण आहे. यासंदर्भात मंगळवारी हजारो हिंदू समाजाने निदर्शने केली होती. आंदोलनात हिंदू संघटना रस्त्यावर आल्यावर लष्कराने आंदोलकांवर लाठीचार्ज केला.

Bhaskar Jadhav रामटेकमधील बंडखोरीवरुन भास्कर जाधवांनी काँग्रेसला सुनावले; ही काँग्रेसची नैतिक जबाबदारी नाही का?

दुसरीकडे, चटगाव पोलिसांचे अतिरिक्त उपायुक्त काझी तारेक अझीझ यांनी सांगितले की, वादग्रस्त पोस्ट शेअर करणाऱ्या व्यक्तीला अटक करण्यात आली आहे.

हजारी गल्लीची घटना, येथे 25 हजार लोक राहतात

बांगलादेशी मीडिया रिपोर्ट्सनुसार, ही घटना मंगळवारी संध्याकाळी घडली. हिंदू संघटनांनी सकाळी निदर्शने केली, मात्र रात्री 10 वाजता अचानक पोलिस आणि बॉर्डर गार्ड बांगलादेश (BGB) च्या जवानांनी हजारी गली परिसरात छापा टाकला. या काळात स्थानिक हिंदूंना अमानुष मारहाण करण्यात आल्याचा आरोप आहे.

हजारी गली परिसरात सुमारे 25,000 लोक राहतात, त्यापैकी 90% हिंदू समुदायाचे आहेत. स्थानिक लोकांचे म्हणणे आहे की, ‘दुर्घटनेनंतर सर्व दुकानांना कुलूप लागले असून लोकांना त्यांच्या सुरक्षेची चिंता आहे. या परिसरात फार्मसी चालवणाऱ्या गौतम दत्ता यांनीही सांगितले की, त्यांनी दुकान बंद केले असतानाही लष्कराच्या जवानांनी त्यांना आणि त्यांच्या कर्मचाऱ्यांना मारहाण केली.

बांगलादेशात हिंदूंवर सातत्याने हल्ले होत आहेत

काही दिवसांपूर्वी चटगाव येथील इस्कॉन संस्थेचे सचिव चिन्मय कृष्ण दास ब्रह्मचारी उर्फ चंदन कुमार धर यांच्यावरही गुन्हा दाखल करण्यात आला होता. चटगावच्या न्यू मार्केटमधील आझाद स्तंभावर राष्ट्रध्वजाच्या वर भगवा ध्वज फडकवल्याचा आरोप त्यांच्यावर होता. या ध्वजावर ‘सनातनी’ असे लिहिले होते.

बांगलादेशात सरकार पडल्यानंतर अल्पसंख्याक हिंदू समाजाविरुद्ध हिंसाचाराची अनेक प्रकरणे समोर आली आहेत. ऑगस्टमध्ये बांगलादेशातील 52 जिल्ह्यांमध्ये हिंदूंवर हल्ल्याची 205 प्रकरणे नोंदवली गेली. याच्या निषेधार्थ चटगाव येथे रॅली काढण्यात आली. ऑगस्टमध्ये सत्ताबदल झाल्यानंतर अल्पसंख्याकांकडून राजीनामे देण्याच्या घटनाही समोर आल्या होत्या.