Israel’s : इस्रायलची गुप्तचर माहिती अमेरिकेकडून लीक; यात इराणवर इस्रायलच्या हल्ल्याशी संबंधित गुप्त कागदपत्रे

By, Pravin Wankhade - October 21, 2024 11:30:38

0

वृत्तसंस्था

वॉशिंग्टन : Israel’s इस्रायलची गुप्त कागदपत्रे अमेरिकेकडून लीक झाली आहेत. इराणवर हल्ला करण्याची योजना होती. सीएनएनच्या रिपोर्टनुसार, अमेरिकेनेही या प्रकरणाची चौकशी सुरू केली आहे. सीएनएनने एका अमेरिकन अधिकाऱ्याच्या हवाल्याने म्हटले आहे की, अशी कागदपत्रे लीक होणे ही अमेरिकेसाठी चिंतेची बाब आहे. या कागदपत्रांवर 15 आणि 16 ऑक्टोबरच्या तारखा लिहिल्या आहेत. हे ‘मिडल ईस्ट स्पेक्टेटर’ नावाच्या वाहिनीने 18 ऑक्टोबर रोजी टेलिग्रामवर पोस्ट केले होते.Israel’s

यावर टॉप सिक्रेट लिहिलेले आहेत. हे दस्तऐवज फक्त अमेरिका आणि त्याच्या सहयोगी देश ऑस्ट्रेलिया, कॅनडा, न्यूझीलंड आणि ब्रिटनसाठी असल्याचेही सांगण्यात आले. हे सर्व देश फाईव्ह आईज या गुप्तचर नेटवर्कचा भाग आहेत. इराणने 1 ऑक्टोबर रोजी इस्रायलवर 180 क्षेपणास्त्रांनी हल्ला केला होता. यानंतर इस्रायलने प्रत्युत्तर देण्याचे बोलले होते.

Narendra Modi लोकांच्या अन् देशाच्या विकासासाठी जनतेचा पैसा खर्च करणे हे आमचे प्राधान्य – मोदी

इस्रायल इराणवर हल्ला करण्याच्या तयारीत

गुप्त कागदपत्रांनुसार इस्रायल इराणवर मोठा हल्ला करण्याच्या तयारीत आहे. यातील एका कागदपत्रानुसार इस्रायलने हल्ल्यासाठी शस्त्रास्त्रांची वाहतूक सुरू केली आहे. हा दस्तऐवज नॅशनल जिओस्पेशियल इंटेलिजन्स एजन्सीने तयार केला आहे.

दुसऱ्या दस्तऐवजात इस्रायली हवाई दलाच्या सरावांशी संबंधित माहिती आहे. त्यात हवेतून जमिनीवर मारा करणाऱ्या क्षेपणास्त्रांच्या चाचण्यांशी संबंधित माहिती आहे. सीएनएनच्या वृत्तानुसार, हे सराव इराणवर हल्ला करण्याच्या तयारीचा एक भाग असल्याचे मानले जात आहे. CNN ने एका अमेरिकन अधिकाऱ्याचा हवाला देत लिहिले आहे की, पेंटागॉनच्या गुप्त दस्तऐवजांपर्यंत कोणत्या लोकांकडे प्रवेश होता याची चौकशी केली जात आहे.

अमेरिका-इस्रायल संबंधांवर परिणाम होऊ शकतो

अमेरिकेचे माजी उप परराष्ट्र मंत्री मिक मुलरॉय म्हणाले की, जर इराणवर इस्रायलच्या पलटवाराशी संबंधित माहिती लीक झाली असेल तर ते नियमांचे गंभीर उल्लंघन आहे. भविष्यात अमेरिका आणि इस्रायल यांच्यातील संबंधांवर याचा नकारात्मक परिणाम होऊ शकतो. दोन्ही देशांमधील संबंधांमध्ये विश्वास हा प्रमुख आधार आहे आणि या लीकमुळे हा विश्वास कमकुवत होऊ शकतो.

गेल्या वर्षीही अमेरिकेतून काही गुप्तचर माहिती लीक झाली होती. त्यामुळे अमेरिका आणि दक्षिण कोरिया आणि युक्रेनसारख्या मित्र राष्ट्रांमध्ये तणाव निर्माण झाला होता. ही कागदपत्रे 21 वर्षीय नॅशनल एअर गार्डसमनने सोशल मीडियावर पोस्ट केली होती.

ही कागदपत्रे लीक झाल्याची माहिती शनिवारी प्रथमच समोर आली. ही कागदपत्रे हॅक करण्यात आली आहेत की कोणीतरी जाणूनबुजून लीक केली आहेत हे अद्याप स्पष्ट झालेले नाही. इराणकडून हॅकिंगच्या प्रयत्नांबाबत अमेरिका आधीच सतर्क आहे. यापूर्वी, अमेरिकन गुप्तचर संस्थांनी ऑगस्टमध्ये अहवाल दिला होता की इराणने अमेरिकेचे माजी राष्ट्राध्यक्ष डोनाल्ड ट्रम्प यांच्या निवडणूक प्रचाराशी संबंधित कागदपत्रे हॅक केली होती.