Milkipur assembly : अयोध्येच्या मिल्कीपूर विधानसभा जागेवर पोटनिवडणूक का होणार नाही?

By, Pravin Wankhade - October 16, 2024 10:30:24

0

निवडणूक आयोगाने दिले ‘हे’ कारण

विशेष प्रतिनिधी

नवी दिल्ली : Milkipur assembly भारतीय निवडणूक आयोगाने (EC) महाराष्ट्र आणि झारखंड विधानसभा निवडणुकांसह 48 विधानसभा जागा आणि 2 लोकसभेच्या जागांसाठी पोटनिवडणुकीच्या तारखा जाहीर केल्या आहेत. उत्तर प्रदेशातील 9 जागांसाठी पोटनिवडणुकीचे वेळापत्रकही जाहीर करण्यात आले आहे. अयोध्येतील मिल्कीपूर मतदारसंघाची सर्वाधिक चर्चा असली तरी तेथे पोटनिवडणूक होणार नाही. निवडणूक आयोगानेही मिल्कीपूर जागेवर पोटनिवडणूक न घेण्याबाबत उत्तर दिले आहे.Milkipur assembly

Devendra Fadnavis महाराष्ट्र विधानसभा निवडणुकीच्या घोषणेवर देवेंद्र फडणवीसांची प्रतिक्रिया, म्हणाले..

निवडणूक आयोगाने सांगितले की मिल्कीपूर, यूपीमधील पोटनिवडणुकीची घोषणा करण्यात आली नाही, कारण भाजपचे माजी आमदार बाबा गोरखनाथ यांनी 2022 मध्ये निवडणुकीत विजयी झालेल्या सपा आमदार अवधेश प्रसाद यांच्या विरोधात अलाहाबाद उच्च न्यायालयात याचिका दाखल केली आहे. ही याचिका अद्याप प्रलंबित आहे.

दरम्यान, निवडणूक आयोग भाजपच्या बाजूने काम करत असल्याचा आरोप समाजवादी पक्षाने केला आहे. कानपूरच्या सिसामऊ जागेचे प्रकरणही न्यायालयात असल्याचे पक्षाच्या वतीने सांगण्यात आले. परंतु, आयोग तेथे निवडणुका घेत आहे.

सपाचे अवधेश प्रसाद मिल्कीपूरचे आमदार होते. 2024 मध्ये त्यांनी फैजाबादमधून लोकसभा निवडणूक लढवली आणि संसदेत पोहोचले. ते 7 हजार मतांनी विजयी झाले होते. त्यानंतर ही जागा रिक्त झाली.