Lebanon : लेबनॉनमध्ये पेजर्सनंतर वॉकी-टॉकी स्फोट, 14 ठार; 450 हून अधिक जखमी

By, Pravin Wankhade - September 19, 2024 01:00:44

0

या स्फोटात मृत आणि जखमींची संख्या वाढू शकते.

विशेष प्रतिनिधी

बेरूत : लेबनॉनमध्ये ( Lebanon ) मंगळवारी झालेल्या सीरियल पेजर स्फोटानंतर बुधवारी लेबनॉनच्या बेका भागात आणखी एक स्फोट झाला. हा स्फोट वॉकी-टॉकी यंत्रात झाला, त्यामुळे 14 जणांचा मृत्यू झाला आणि शेकडो जखमी झाले. सुरक्षा सूत्रांनी दिलेल्या माहितीनुसार, या स्फोटात मृत आणि जखमींची संख्या वाढू शकते.

याआधी मंगळवारी लेबनॉनमध्ये पेजर स्फोटात आठ जणांचा मृत्यू झाला होता तर तीन हजार लोक जखमी झाले होते. या स्फोटात हिजबुल्लाहचे सैनिकही मारले गेले. या स्फोटासाठी हिजबुल्लाने इस्रायलला जबाबदार धरले होते. मात्र, इस्त्रायली लष्कराने या स्फोटाबाबत कोणतीही प्रतिक्रिया देण्यास नकार दिला होता.

Eknath shinde : नानासाहेब धर्माधिकारी प्रतिष्ठानच्या निर्माल्यापासून खत निर्मिती प्रकल्पाला मुख्यमंत्र्यांची भेट!!

हिजबुल्लाहने वापरलेल्या वॉकी-टॉकीचा बुधवारी लेबनॉनच्या दक्षिणेकडील आणि बेरूतच्या दक्षिण उपनगरात स्फोट झाला, असे सुरक्षा सूत्रांनी आणि एका साक्षीदाराने सांगितले.

बुधवारी पेजरद्वारे अशाच प्रकारचे स्फोट घडवून आणल्यानंतर एका दिवसात लेबनॉन आणि इस्रायलमध्ये तणाव वाढला आहे. आदल्या दिवशी मारल्या गेलेल्यांच्या अंत्यसंस्कारासाठी हिजबुल्लाह तयारी करत असताना हा स्फोट झाला.