कचाथीवू बेटावरून पंतप्रधान मोदींचा काँग्रेसवर हल्लाबोल, म्हणाले…

By, Pravin Wankhade - March 31, 2024 01:00:25

0

देशाची अखंडता कमकुवत केल्याचाही आऱोप केला आहे.

विशेष प्रतिनिधी

नवी दिल्ली : गेल्या काही दिवसांपासून भारत आणि श्रीलंका यांच्यात कचाथीवू बेटावरून वाद सुरू आहे. ज्वालामुखीच्या उद्रेकामुळे तयार झालेला हा जमिनीचा तुकडा आहे, जो 1970 च्या दशकात तत्कालीन पंतप्रधान इंदिरा गांधी यांनी श्रीलंकेला दिला होता, त्यानंतर अनेक लोक आता तो भारतात परत आणण्याची मागणी मोदींकडे करत आहेत.Prime Minister Modi attacked Congress from Kachathivu Island

दरम्यान, मोदींनी यासंदर्भात नुकतीच एक पोस्टही केली असून, त्यात त्यांनी श्रीलंकेला कचाथीवू बेट दिल्याबद्दल काँग्रेसवर जोरदार टीका केली आहे.

संदेशखालीतील अत्याचार पीडिता भाजप उमेदवार रेखा पात्रा यांना थेट पंतप्रधान मोदींचा फोन; प्रचारासंदर्भात केले मार्गदर्शन!!

मोदींनी त्यांच्या अधिकृत X हँडलवर एक बातमी शेअर केली, ज्यात त्यांनी लिहिले की काँग्रेस पक्षावर विश्वास ठेवता येत नाही. त्यांनी लिहिले की, काँग्रेसने क्रूरपणे कचाथीवू बेट श्रीलंकेला दिले. काँग्रेसने भारताची एकात्मता कमकुवत केली आहे. ते म्हणाले की, भारताची एकता, अखंडता आणि हित धोक्यात घालणे ही काँग्रेसची 75 वर्षांपासूनची पद्धत आहे.

उल्लेखनीय आहे की, पंतप्रधान मोदींनी शेअर केलेल्या लेखात असा दावा करण्यात आला आहे की, माजी पंतप्रधान जवाहरलाल नेहरू यांनी हा मुद्दा बिनमहत्त्वाचा म्हणून फेटाळून लावला होता. या निर्णयाविरोधात विरोधकांनी केलेल्या तीव्र आंदोलनाकडे दुर्लक्ष केल्याचा दावाही करण्यात आला.

गेल्या वर्षीही पंतप्रधान मोदींनी संसदेत कचाथीवू बेटाचा उल्लेख केला होता. ते म्हणाले होते की, भारताच्या गांधी सरकारने 1974 मध्ये श्रीलंकेला कचाथीवू बेट दिले होते. काँग्रेसवर जोरदार हल्ला चढवत मोदींनी राजकारणासाठी भारत मातेचे तीन तुकडे केल्याचा आरोप केला.