वृत्तसंस्था
नवी दिल्ली : राष्ट्रीय स्वयंसेवक संघाचे सरसंघचालक मोहन भागवत यांनी बुधवारी सांगितले की, भारत 5 हजार वर्षांपासून धर्मनिरपेक्ष आहे. हे सर्व तत्त्वांच्या ज्ञानाचे सार आहे. संपूर्ण जग एक कुटुंब आहे, ही आपली भावना आहे. हे केवळ तत्त्व नाही, ते जाणून घेण्याची, त्यावर विश्वास ठेवण्याची आणि त्यानुसार वागण्याची गरज आहे.Sarsanghchalak Bhagwat said- India has been secular for 5000 years; The whole world is our family; It is important to accept this and act accordingly
मोहन भागवत यांनी राष्ट्रीय स्वयंसेवक संघाचे कार्यकर्ते रंगा हरी यांच्या पृथ्वी सूक्त – अॅन ओड टू मदर नेचर या पुस्तकाच्या प्रकाशन कार्यक्रमात हे विचार मांडले. सरसंघचालक म्हणाले की, आम्ही मातृभूमीला आमच्या राष्ट्रीय एकात्मतेचा महत्त्वाचा भाग मानतो. मातृभूमीबद्दल भक्ती, समर्पण आणि प्रेमाची भावना ठेवा, असे आवाहन त्यांनी केले.
भागवत म्हणाले- लोकांनी एकमेकांशी भांडणे थांबवावे
आरएसएस प्रमुख म्हणाले की, या देशात खूप विविधता आहे. लोकांनी एकमेकांशी भांडू नये. आपण देश असा बनवला पाहिजे की आपण एक आहोत हे देशाला शिकवता येईल. भारताच्या अस्तित्वाचा हा एकमेव उद्देश आहे. भागवत म्हणाले की, ऋषीमुनींनी जगाच्या भल्यासाठी भारताची निर्मिती केली. देशाच्या शेवटच्या माणसापर्यंत शिक्षण पोहोचवू शकेल असा समाज त्यांनी निर्माण केला.
ते म्हणाले की, ते लोक केवळ तपस्वी नव्हते, त्यांनी आपल्या कुटुंबासह योगी जीवन जगले. हे भटके आजही येथे आहेत, ज्यांना ब्रिटिश सरकारने गुन्हेगारी जमात घोषित केले होते. हे लोक आजही आपली संस्कृती समाजासमोर मांडतात. काही लोक आयुर्वेदिक ज्ञानदेखील शेअर करतात. आपल्या लोकांनी ज्ञान मिळवण्यासाठी मेक्सिकोपासून सायबेरियापर्यंत जगभर प्रवास केला आहे.
भारताने G20 ला वसुधैव कुटुंबकमचे व्यासपीठ बनवले
त्यामुळे भारताने आर्थिक मुद्द्यांवर चर्चा करणार्‍या G20 सारख्या मंचाचे मानवतेचा विचार करणार्‍या मंचात रूपांतर केले यात आश्चर्य नाही. या व्यासपीठावर आम्ही वसुधैव कुटुंबकमचा आत्मा जोडला आहे.
महत्वाच्या बातम्या
To be published, comments must be reviewed by the administrator.*
Our website uses cookies to improve your experience. Learn more
Download App