Asian Games 2023 : हॉकीमध्ये भारताचा पाकिस्तानवर ऐतिहासिक अन् दणदणीत विजय

By, Sachin Sutar - October 1, 2023 08:45:44

0

भारताच्या या ऐतिहासिक विजयात कर्णधार हरमनप्रीत सिंगने चार गोल केले.

विशेष प्रतिनिधी

नवी दिल्ली : 2023 मध्ये चीनमधील हांगझोऊ येथे होत असलेल्या आशियाई क्रीडा स्पर्धेत भारत सातत्याने चमकदार कामगिरी करत आहे. आशियाई क्रीडा स्पर्धेच्या सातव्या दिवशीही भारताने अनेक पदके जिंकली. याचबरोबर भारताने हॉकीमध्ये मोठा विजय नोंदवला आहे. भारतीय पुरुष हॉकी संघाने गट टप्प्यातील सामन्यात कट्टर प्रतिस्पर्धी पाकिस्तानचा 10-2 असा पराभव केला. Asian Games 2023 Indias historic victory over Pakistan in hockey

स्पर्धेच्या सातव्या दिवशी शनिवारी भारत आणि पाकिस्तान यांच्यातील हॉकी सामना झाला. या सामन्यात भारताने पाकिस्तानचा एकतर्फी 10-2 असा पराभव केला. पाकिस्तानविरुद्धच्या हॉकी सामन्यात भारताने 10 गोल करण्याची ही पहिलीच वेळ आहे.

Asian Games 2023: भारताने स्क्वॉशमध्ये इतिहास रचला, पाकिस्तानला हरवून सुवर्णपदक जिंकले

भारताच्या या मोठ्या आणि ऐतिहासिक विजयात कर्णधार हरमनप्रीत सिंगने चौकार लगावला. हरमनप्रीत सिंगने 4 गोल केले. पहिल्यांदाच भारताने पाकिस्तानविरुद्धच्या हॉकी सामन्यात 4 गोल केले. हरमनप्रीतने 11व्या, 17व्या, 33व्या आणि 34व्या मिनिटाला गोल केले.

Almost unscathed, a Historic win for #TeamIndia 🇮🇳 over Pakistan 🇵🇰 as we put 10 past them for the first time EVER!

You wouldn't script it any other way!

Catch the Women's team in action tomorrow:
📆 1st Oct 1:30 PM IST 🇮🇳 IND vs KOR 🇰🇷
📍Hangzhou, China.
📺 Streaming on Sony… pic.twitter.com/YhczBTdLGU

— Hockey India (@TheHockeyIndia) September 30, 2023

आशियाई क्रीडा स्पर्धेत भारतीय हॉकी संघ सातत्याने चमकदार कामगिरी करत आहे. आशियाई क्रीडा स्पर्धेत भारताने आतापर्यंत खेळलेले तिन्ही सामने मोठ्या फरकाने जिंकले आहेत. उझबेकिस्तानविरुद्ध 16-0, सिंगापूरविरुद्ध 16-1 आणि पाकिस्तानविरुद्ध 10-2 असा विजय मिळवला. टीम इंडियाने एकूण 42 गोल केले आहेत. विशेषत: कर्णधार हरमनप्रीत सिंगने आपली क्षमता सिद्ध केली आहे. सध्या सुरू असलेल्या आशियाई क्रीडा स्पर्धेत ही दुसरी वेळ आहे, जेव्हा भारतीय कर्णधार हरमनप्रीत सिंगने सामन्यात 4 गोल केले आहेत. यापूर्वी सिंगापूरविरुद्धच्या दुसऱ्या सामन्यात त्याने 4 गोल केले होते.