VIDEO : लघुशंका प्रकरणातील पीडिताचे शिवराजसिंह चौहान यांनी पाय धुतले!

By, Sachin Sutar - July 6, 2023 04:14:01

0

लिसांनी संबंधित आरोपीला अटक केली आणि त्याच्यावर मुख्यमंत्र्यांच्या आदेशाने एनएसएही लावण्यात आला आहे.

विशेष प्रतिनिधी

भोपाळ : मध्य प्रदेशमध्ये घडलेल्या संतापजनक लघुशंका प्रकरणातील पीडित दशमत रावत यांचे आज मुख्यमंत्री शिवराज सिंह चौहान यांनी आपल्या शासकीय निवासस्थानी पाय धुतले. यावेळी मुख्यमंत्री शिवराज यांनी दशमत रावत यांना श्री गणेशाची मूर्ती अर्पण केली आणि शाल पांघरून त्यांचा सन्मान केला. तसेच, मुख्यमंत्री शिवराज सिंह यांनी दशमत यांना आपला मित्र म्हटले आणि सर्वतोपरी मदत करण्याचे आश्वासनही दिले. Madhya Pradesh Chief Minister Shivraj Singh Chouhan meets Dashmat Rawat

भाजपा नेत्याच्या कथितरित्या जवळच्या असलेल्या प्रवेश शुक्ला या व्यक्तीने दारू पिऊन दशमत रावत यांच्यावर लघवी केली होती. या संतापजनक घटनेचा व्हिडीओ समोर आल्यानंतर, तीव्र प्रतिक्रिया उमटल्या यावर बुधवार, ५ जुलै रोजी पोलिसांनी संबंधित आरोपीला अटक केली आणि त्याच्यावर मुख्यमंत्र्यांच्या आदेशाने एनएसएही लावण्यात आला आहे. एवढंच नाही तर, बुधवार, ५ जुलै रोजीच आरोपी प्रवेश शुक्लाच्या घरावरही बुलडोझरची कारवाई झाली. गृहमंत्री नरोत्तम मिश्रा म्हणाले, “आरोपी (प्रवेश शुक्ला) लॉकअपमध्ये आहे आणि त्याच्यावर कठोर कारवाई करण्यात आली आहे.’’

यह वीडियो मैं आपके साथ इसलिए साझा कर रहा हूँ कि सब समझ लें कि मध्यप्रदेश में शिवराज सिंह चौहान है, तो जनता भगवान है।

किसी के साथ भी अत्याचार बर्दाश्त नहीं किया जायेगा। राज्य के हर नागरिक का सम्मान मेरा सम्मान है। pic.twitter.com/vCuniVJyP0

— Shivraj Singh Chouhan (मोदी का परिवार ) (@ChouhanShivraj) July 6, 2023

मुख्यमंत्री शिवराजसिंह चौहान यांनी दशमत यांचे पाय धुवत असतानाचा व्हिडीओ शेअर केला आहे आणि म्हटले आहे की, ‘’हा व्हिडीओ मी यासाठी सर्वांबरोबर शेअर करतो आहे की, सर्वांनी लक्षात घ्याव की मध्यप्रदेशात शिवराजसिंह चौहान आहे, तर जनता देव आहे. कोणावरही अत्याचार सहन केला जाणार नाही, राज्यातील प्रत्येक नागरिकाचा सन्मान माझा सन्मान आहे.’’

https://youtube.com/shorts/sJei-BW8InU?feature=share