दिल्लीतील पाकिस्तानी उच्चायुक्तालयाची शाळा बंद, कर्मचाऱ्यांना 3 वर्षांपासून पगार नाही

By, Pravin Wankhade - May 31, 2023 10:15:54

0

वृत्तसंस्था

नवी दिल्ली : नवी दिल्लीतील पाकिस्तान उच्चायुक्तालयाची (PHC) शाळा बंद करण्यात आली आहे. उच्चायुक्तालयातील कर्मचारी आणि डिप्लोमॅट्स यांची मुले या शाळेत शिकत होती.School of Pakistan High Commission in Delhi closed, employees without salary for 3 years

या शाळेतील कर्मचाऱ्यांना 3 वर्षांपासून पगार मिळाला नसल्याचा दावा मीडिया रिपोर्ट्समध्ये करण्यात आला आहे. याचे कारण पाकिस्तानातील सध्याचे आर्थिक संकट आहे. पाकिस्तानच्या परराष्ट्र मंत्रालयाने अनेकवेळा सरकारला शाळा सुरू ठेवण्याची विनंती केली. पण त्यात यश आले नाही.

दक्षिण दिल्लीतील शाळेत बॉम्बस्फोट घडवण्याची ईमेलद्वारे धमकी; घटनास्थळी पोलीस फौजफाटा दाखल!

दुसरीकडे, पाकिस्तानच्या परराष्ट्र मंत्रालयाने स्पष्टीकरण दिले आहे की, तिथे शिकणाऱ्या विद्यार्थ्यांची संख्या कमी झाली होती. त्यामुळे शाळा बंद करण्यात आली.

काय आहे प्रकरण?

दोन दिवसांपूर्वी काही मीडिया रिपोर्ट्समध्ये दावा करण्यात आला होता की, नवी दिल्लीतील पाकिस्तान उच्चायुक्तालयाने (PHC) आपली शाळा बंद केली आहे. उच्चायुक्तालयातील कर्मचारी आणि डिप्लोमॅट्स यांची मुले या शाळेत शिकत असत. हे काम गुप्तपणे केले जात होते. मात्र, भारतीय माध्यमांना याची माहिती मिळाली.

पाकिस्तानमधील परराष्ट्र व्यवहारांचे तज्ज्ञ आणि प्राध्यापक डॉ. कमर चीमा यांनी यूट्यूब शोमध्ये या बातमीला दुजोरा दिला. तथापि, मीडिया रिपोर्ट्समध्ये असे म्हटले आहे – शाळेतील कर्मचार्‍यांना तीन वर्षांपासून पगार मिळालेला नाही. त्यांचे जगणे कठीण झाले होते. परराष्ट्र मंत्रालयाने जेव्हा शाहबाज शरीफ सरकारकडे मदत मागितली तेव्हा आर्थिक संकटाचे कारण देत त्यांनी ती टाळली.

जगातील अनेक देशांमध्ये असलेल्या पाकिस्तानी उच्चायुक्तालये आणि दूतावासांमध्ये हीच परिस्थिती असल्याचा दावा अहवालात करण्यात आला आहे. त्याहूनही आश्चर्याची बाब म्हणजे पाकिस्तानी गुप्तचर संस्था आयएसआयकडे इतर देशांमध्ये चालवल्या जाणाऱ्या कारवायांसाठी निधीच उपलब्ध नाही.

पाकिस्तानच्या परराष्ट्र मंत्रालयाचे स्पष्टीकरण

ही बाब भारतीय प्रसारमाध्यमांमध्ये येताच पाकिस्तानचे परराष्ट्र मंत्रालय सक्रिय झाले. त्यांनी मंगळवारी स्पष्ट केले की- नवी दिल्लीतील उच्चायुक्तालयाची शाळा बंद करण्यात आली आहे हे खरे आहे. याचे कारण तेथे शिकणाऱ्या मुलांची संख्या खूपच कमी झाली होती. इथे फक्त आमच्या स्टाफची मुलं शिकायची.

परराष्ट्र कार्यालयाच्या प्रवक्त्या मुमताज झहरा बलोच यांनी पाकिस्तानच्या टीव्ही चॅनल ‘समा न्यूज’ला सांगितले – आमच्या उच्चायुक्तालयातील कर्मचारी आणि त्यांच्या मुलांच्या गरजा नवी दिल्लीत पूर्ण केल्या जातील. आम्ही जून 2020 मध्ये तेथील कर्मचारी कमी केले होते.