बंगालच्या हुगळीत मिरवणुकीदरम्यान हिंसाचार, दगडफेक-जाळपोळ; भाजप आमदार विमान घोष जखमी, 12 जणांना अटक|Violence, stone pelting and arson during processions in Bengal's Hooghly; BJP MLA Viman Ghosh injured, 12 arrested

बंगालच्या हुगळीत मिरवणुकीदरम्यान हिंसाचार, दगडफेक-जाळपोळ; भाजप आमदार विमान घोष जखमी, 12 जणांना अटक

वृत्तसंस्था

कोलकाता : पश्चिम बंगालच्या हुगळीत रविवारी दोन गटांमध्ये हिंसक संघर्ष झाला. मिरवणुकीदरम्यान रिसरा परिसरात जोरदार दगडफेक झाली. यानंतर वाहनांना आग लावण्यात आली. हिंसक जमावाला नियंत्रणात आणण्यासाठी पोलिसांनी अश्रुधुराच्या नळकांड्याही फोडाव्या लागल्या.Violence, stone pelting and arson during processions in Bengal’s Hooghly; BJP MLA Viman Ghosh injured, 12 arrested

दगडफेकीत भाजप आमदार विमान घोष जखमी झाले. त्यांना रुग्णालयात दाखल करण्यात आले आहे. वृत्तानुसार, हिंसाचारात अनेक पोलीस जखमी झाले आहेत. या भागात कलम 144 लागू करण्यात आले आहे.

ममतादीदी मेघालयात तृणमूळला राष्ट्रीय पार्टी करायला गेल्या अन् बंगालच्या सागरदिघीला “कसबा” करून बसल्या!!

मीडिया रिपोर्ट्सनुसार, हुगळी हिंसाचारात आतापर्यंत 12 जणांना अटक करण्यात आली आहे. भाजप नेते दिलीप घोष म्हणाले की, महिला आणि लहान मुलांवर दगडफेक करण्यात आली. हावडा येथील हिंसाचारानंतरही राज्य सरकारने कोणतीही कारवाई केली नाही.

हावडामध्ये शांतता, काही भागांत कलम 144 लागू

पश्चिम बंगालमधील हावडा आणि उत्तर दिनाजपूर जिल्ह्यात गुरुवारी मिरवणुकीदरम्यान हिंसक संघर्ष झाला. शिबपूर येथे शुक्रवारी पुन्हा एकदा दगडफेकीची घटना समोर आली आहे. याप्रकरणी पोलिसांनी 38 जणांना अटक केली आहे. तर दोन गुन्हे दाखल झाले आहेत.

हावडा पोलिस आयुक्त म्हणाले की, परिस्थिती आता सामान्य आहे आणि लोकांनी या प्रकरणाची काळजी करण्याची गरज नाही. काही भागात कलम 144 लागू करण्यात आले असून या भागात पोलीस गस्त घालत आहेत. दुसरीकडे विरोधी पक्षनेते शुभेंदू अधिकारी आणि ममता यांचे पुतणे अभिषेक बॅनर्जी यांनी न्यायालयात एनआयए चौकशीची मागणी केली.

ममता म्हणाल्या- मिरवणुकीचा मार्ग कसा बदलला?

या घटनांसाठी मुख्यमंत्री ममता बॅनर्जी यांनी थेट भाजपला जबाबदार धरले. भाजपचे नाव न घेता ममता म्हणाल्या, “ते जातीय दंगलीसाठी बाहेरून गुंड बोलावत आहेत.” त्यांच्या मिरवणुका कोणी रोखल्या नाहीत, पण तलवारी आणि बुलडोझर घेऊन मोर्चा काढण्याचा अधिकार त्यांना नाही. हावड्यात असे करण्याची त्यांची हिंमत कशी झाली?’

ममता म्हणाली- ‘त्यांनी मार्ग का बदलला? विशेषत: एका समुदायाला लक्ष्य करण्यासाठी आणि त्यांच्यावर हल्ला करण्यासाठी अनधिकृत मार्ग का निवडावा? भाजपने नेहमीच हावडा, पार्क सर्कस आणि इस्लामपूरला लक्ष्य केले आहे.