WATCH : मोदींच्या रोड शोला लोकांनी उधळली फुले, तिथे काँग्रेसच्या डीके शिवकुमार यांनी लोकांवर पाडला पैशांचा पाऊस, मंड्यामध्ये रोड शो|WATCH People throw flowers at Modi's road show, DK Shivakumar of Congress rains money on people, road show in Mandya

WATCH : मोदींच्या रोड शोला लोकांनी उधळली फुले, तिथे काँग्रेसच्या डीके शिवकुमार यांनी लोकांवर पाडला पैशांचा पाऊस, मंड्यामध्ये रोड शो

वृत्तसंस्था

मंड्या : कर्नाटक विधानसभेच्या निवडणुका जवळ येऊन ठेपल्या आहेत. यामुळे सर्वच पक्षांनी प्रचारासाठी ताकद पणाला लावली आहे. मंड्यामध्ये रोड शोदरम्यान जिथे जनतेने पंतप्रधान मोदींवर फुले उधळली होती, तिथेच काँग्रेसचे प्रदेशाध्यक्ष डीके शिवकुमार यांनी लोकांवर 500च्या नोटा उधळल्याचा व्हिडिओ समोर आला आहे.WATCH People throw flowers at Modi’s road show, DK Shivakumar of Congress rains money on people, road show in Mandya

#WATCH | PM Narendra Modi showered with flowers by BJP supporters and locals as he holds road show in Mandya, Karnataka

During his visit, PM will dedicate and lay foundation stone of projects worth around Rs. 16,000 crores

(Video source: DD) pic.twitter.com/K8hvPCgpRF

— ANI (@ANI) March 12, 2023

काँग्रेसचे अध्यक्ष डीके शिवकुमार यांनी मंगळवारी मंड्या येथील रोड शोमध्ये लोकांवर पैशांचा वर्षाव केला. याचा एक व्हिडिओही समोर आला आहे, ज्यामध्ये डीके शिवकुमार आणि त्यांचे कार्यकर्ते बसच्या वर उभे राहून रोड शो करत असल्याचे दिसत आहे.

VIDEO : पंतप्रधान मोदींच्या सुरक्षेत पुन्हा चूक; कर्नाटकात रोड शो दरम्यान वाहन ताफ्याकडे धावत सुटला तरूण अन्…

#WATCH | Karnataka Congress Chief DK Shivakumar was seen throwing Rs 500 currency notes on the artists near Bevinahalli in Mandya district during the ‘Praja Dhwani Yatra’ organized by Congress in Srirangapatna. (28.03) pic.twitter.com/aF2Lf0pksi

— ANI (@ANI) March 29, 2023

काँग्रेसचे 150 हून अधिक जागांवर लक्ष

राज्यात काँग्रेसची सत्ता आल्यास शिवकुमार हे मुख्यमंत्रिपदासाठी इच्छुक आहेत. त्यासाठी ते मंड्याला रोड शो आणि प्रचारासाठी गेले होते. यावेळी राज्यात 150 हून अधिक जागा जिंकण्याच्या उद्देशाने काँग्रेस निवडणुकीची रणनीती तयार करत आहे.

2018 च्या विधानसभा निवडणुकीत पक्षाला केवळ 78 जागा मिळाल्या होत्या. तर जेडीएसला 37 जागा मिळाल्या. त्याच वेळी, भाजपने 104 जागा जिंकल्या, परंतु 224 विधानसभा जागांच्या कर्नाटकमध्ये बहुमताचा आकडा 113 आहे.

शिवकुमार यांनी काही दिवसांपूर्वी डीजीपींना नालायक म्हटले

डीके शिवकुमार यांनी काही दिवसांपूर्वी राज्याचे डीजीपी प्रवीण सूद यांना नालायक म्हटले होते. प्रवीण हे राज्यातील भाजप सरकारचा बचाव करत असून त्यांच्या पक्षाच्या नेत्यांवर गुन्हे दाखल करत असल्याचा दावा त्यांनी केला होता. आपल्या पक्षाची सत्ता आल्यास त्यांच्यावर कारवाई केली जाईल, असा इशारा शिवकुमार यांनी दिला होता.

कर्नाटकात काँग्रेसच्या 124 उमेदवारांची यादी जाहीर

कर्नाटक काँग्रेसने चार दिवस अगोदर विधानसभा निवडणुकीसाठी 124 उमेदवारांची पहिली यादी जाहीर केली आहे. माजी मुख्यमंत्री सिद्धरामय्या हे वरुण मतदारसंघातून निवडणूक लढवणार आहेत. त्याचबरोबर ज्येष्ठ नेते आणि प्रदेशाध्यक्ष डीके शिवकुमार कनकपुरा येथून निवडणूक रिंगणात उतरणार आहेत. काही दिवसांपूर्वी शिवकुमार म्हणाले होते की, त्यांचा पक्ष कर्नाटकात एकट्यानेच निवडणूक लढणार आहे.

कर्नाटकात एकूण 224 जागा आहेत. गेल्या निवडणुकीत म्हणजेच 2018 मध्ये भाजपला 104, काँग्रेसला 80 आणि जेडीएसला 37 जागा मिळाल्या होत्या. बाकीच्या जागा अपक्षांकडे गेल्या होत्या.